السلام عليكم ورحمة الله وبركاته
وزع عمر بن الخطاب من بيت المال على الناس ، فقال أحدهم: (جزاك الله خيرًا يا أمير المؤمنين) فقال: ما بالهم نعطيهم حقهم ويظنونه مني منة....
لنوصل صوتنا لنقف وقفه رجل واحد احنا ما نطالب بحسنه احنا نطالب بحقوقنا اللي راحت في بطون الوزراء والمسئولين
عندك كلمه ... عندك تظلم .. عندك شكوى ...
هذا الحساب في الفيس بوك لكل سعودي وسعوديه انظلم من شروط حافز
http://www.facebook.com/profile.php?id=100003352813232&sk=wall
نسأل الله ان يرزقنا و اخوانا واخواتنا وان يكتب لنا الخير ...
ملاحظه ...
الى الان ما ادري هو انا مؤهله او غير مؤهله ..والشي الثاني خواتي اللي قدمو على حافز تأهلو بس والله ما حبيت انشر هالحساب الا لان فيه ظلم عظيم ...
بناات الله يسعدكم اللي عندها كلمة حق تقولها واللي ماعندها ترد بدعوه حلوه لخواتها لا تجي وحده تقول هذا يستحق وهذا لا
بنات اللي حابه تكتب اي شي تكتبه هنا وانا راح انزله على الفيس بوك ...
تحديث
من اعذار حافز الظالمه
1)غير مؤهل لحافز والسبب: تشير السجلات التربية والتعليم انك طالب
اكيد يكفيك مصروف فسحتك ...الله يهديك ليه تزاحم المستحقين
2)غير مؤهل لحافز والسبب:سفرك خارج المملكه
لاعاد تسافر لان اكيد ماسافرت الا ومعك دراهم ...الفين ريال كل شهر وانت مو محتاج جيب الوزير اولى
واللي سافرت خارج المملكه وهي ماسافرت من الاساس ولا شافت حتى الشرقيه نقول لها لاعاد تحلمين الله يهديك ترا حافز حتى السفريات اللي بالاحلام يجيبها
3)غير مؤهل لحافز والسبب: السن
اذا 36 شايب او عجوز ماذا نقول عنك يا معالي الوزير مومياء مثلا ...
4) غير مؤهل لحافز السبب: مسجل في التأمينات الإجتماعيه
هذي نتركها لاصحابها
5) غير مؤهل لحافز والسبب:انت مقيم في دار الرعايه الاجتماعيه
كل واحد يتصور في بيته ويرسله مع الطلب
انتهى هذا غيض من فيض
اعذار ظالمه ومجحفه بحق كل سعودي وسعوديه طالب للعمل ومستحق لحافز نعم مستحق كل من درس وسهر وبحث عن عمل له الحق .. حتى وان تعدى 50 او سافر للمريخ او سكن القمر ...
ريفه @ryfh
محررة ذهبية
هذا الموضوع مغلق.
رايقه وحنونه
•
الله يعين مشكوره عمري
الصفحة الأخيرة