والله انها تهون لما تكوني بمدينه لحالك وماعندك فيها اقارب لكن اذا سرتي بمدينه حولك الكثير من اقاربك
ولا واحد يدخل عليك حتى بيوم العيد او بدخول رمضان
او حتى يدق جوالك يسلم !!!
انا زيك لما تجي الخميس والجمعه اشيل همها وين اقضيها ارجع اروح افرفر بالسوق واذا عجبني شي شريته ورجعت البيت
مع العلم انه اختي موجوده وكنا مع بعض على طول
وبس كبروا عيالها وبناتها وتزوجوا
واخوان زوجها اثنين تزوجوا اضافه لسلفه ثالثه
سارت تقضي الفلات معهم وانا اذا جلست شهور ماجتني
تجي لوحدها شوي وتمشي حتى العزاء ترفض
تروح معاي استحي لوحدي تروح معاهم
وموجود كمان عمي واولادهاربعه متزوجين وبناته ثلاث
متزوجين
وعيال عمي الثاني ولدين وبنتين بنفس المدينه
عمتي وبيت بنتها وولدها عنده زوجتين
كلهم بنفس المدينه ولا نتزاور حتى بالمرض اللي هوه
واذا زرتهم مايردون الزياره
شفتي قطاعه اكثر من كذا!!!!!!!!!
استغفرالله العظيم
الله يرحم حالنا لدرجة ساروا بعض الاسر مايشوفون بعض وهم ببيت واحد وكلا ياكل وحده
مافيه لمه حتى على الوجبه
كرهت المدنيه اللي سوت فينا كذا
انا اجتماعيه احب اللمه بس رجعت حفظت كرامتي

أنا زيكم أسكن بمنطقة بعيدة عن أهلي وأهلوا
وماتعرفت على جيران..بس وحدة من زوجات أصدقاء زوجي...وبالشهر مرة نتقابل..
الصراحة كنت أطفش حتى لو نطلع نتمشى يبقى اللي معي بالبيت معي بكل مكان..
يمر شهرين ما أشوف أحد غير زوجي..وتعالي شوفي كيف يطلع حر الطفش فيه..
أحيان أرحم نفسي..وأحيان أرحمه على صبره علي<<:biggrin::biggrin:

لما يروح للدوام أخلص أي شغل عندي..من غسيل وتنظيف وترتيب..
وإذا ماعندي شغل..أنام لحد قريب من الظهر..لأني ما أسوي غداء..

وخلاص بعد العصر أجهز العشاء ونتعشى وأشغل نفسي بترتيب المطبخ أو أتابع برنامج..
بصراحة ما أحس وقتي مرتب..أحتاج وقت عشان أنظم نفسي..وأنا لسا ماتميت سنة

انا كذاء بعيده عن أهلي بس عندي أهل زوجي لكن مو دايم أنزل عندهم
وعندي بنوته عمره سنه و4 شهور هي ألي تونسني وألعب معه الله يخليه لي والطلعات بالشهر مرتين
وقت الصبح أذا ماني سهرانه مع بنتي أنظف البيت ومخصصه يومين لغسل الملابس أو للكوي
ودايم أقعد على النت والتلفزيون فترة الصباح قبل أقوم بنتي
يعني كل يوم زي ألي قبله الحمد لله والشكر قصدي نفس الروتين مافيه تغيير
لكن ياأختي أهم شي الصحه والعافيه

الحال من بعضه الحمدلله على كل حال اطفش ذبحني لاجيران ولاجماعه قطاعه الله يكفينا شرها ساكنه في الجنوب طفش وملل مره لكن اسال الله العظيم ان يجي نقلنا بدايت السنه على جده ياااارب العالمين ويحقق لي ما تمنى يارحيم ويجمعني باهلي ولايحرمني منهم ياااكريم امنو الله يسعدكم ويجمع كل وحده باهلها يااارب

الحال من بعضه يارب ترزقني اطفال يونسوني