كل وحده تحط نفسها مكاني وايش تسوين ؟!!!!

السلام عليكم حبايبي

انا عندي مشكله وابي لها حل
زوجي يشتغل بالعقار وجت وحده شرت منه بيت المهم تطور الشغل بينهم وصارت تجيب لزوجي مدرسات عشان يشترون منه بعد فتره حصلت منها مكالمات لم يرد عليها لانو نايم يعني تتصل ورى بعض وكان مسميها بأسم رجل المهم انا شكيت في الاتصالات وبعد فتره اتصلت وسمعت الصوت صوت حرمه
وانا مازلت شاكه بعد فتره حصلت منها مسجات تقوله سلامات شفيك ماترد لايكون وحده من البنات مزعلتك
انا شفت المسجات ونصدمت وتناقشنا بالموضوع وزعلت المهم هو وضح لي الصوره يقول انها هي زبونه وتجيب لي من معارفها وبينا مصلحه وانو كل هذا شغل ولا بينهم شي انا عديت الموضوع ما ابي اخسره وعشان اولادي
بعد فتره سافر تقريباً شهر برى المملكه انا ع وشك ولاده المهم جا من السفر في نفس اليوم اللي هو جا فيه حصلت منها مكالمه الصباح تتصل وتسكر مرتين توقعت تصحيه وسكت انا ما حبيت اناقشه عشان موعد ولادتي من بكرا
في نفس يوم موعدي كنت اصحيه وصحى جته رساله منها وانا عنده
قريت الرساله من خلفه
الا تقول اللي اذكره(( ياقلبي ومدري ايش وفديتك يالغالي )) المهم انا جن جنون وبعدها رحت للمستشفى تنومت عشان موعد ولادتي ولاكن السالفه مانسيتها يعني كان الهم همين ولادة القيصريه والسالفه اللي صارت
بعد عمليتي تناقشت معه يقول انو هي اسلوبها كذا وانو هو مو معطيها وجه وانو بينهم مصلحه
وعليه ديون منها
انا طلعت من المستشفى وسكت ع السالفه مو مصدقته احس يلف ويدور بعد كم يوم وكل ماتذكرت السالفه قلبي يتقطع واصلاً ماكان مهتم فيني ولا بالطفله اللي جبت
اتصل علي بالليل وكانت نفسيتي تعبانه جداااً ولارديت عليه الا بعد كم مكالمه لاني مو هاضمته رديت عليها وكان مروق جدا يسال شفيك حس من نبرة صوتي وفاتحت معه الموضوع
وصار يهاوشني وسكر تلفون في وجهي والى حد الان ما اتصل بس انا شغاله عليه بالمسجات من قهري وعلى تسكيرت التلفون يشوف المسجات ولا يرد علي
وانا لي الان من النفاسي اسبوعين ونص ولا هو معبرني وتعبانه نفسياً وجسدياً المفروض اهتم بنفاسي وكنت مجهزه كل شي قبل ولادتي بس الحين مالي خلق اي شي حتى ع الاكل منسده نفسي
فما الحل بنظركم؟!!
هل اطلب الطلاق لان كثير فكرت فيها ولا شفت حل الا كذا


ومع ذلك كان له سوابق بس سامحته لاني احبه ..


اتمنى مساعدتي ،،،،،،