كل وحده تدخل تحط نفسها مكاني..

بسم الله الرحمن الرحيم
السلام عليكم ورحمة الله وبركاته..
بنات لو ممكن ابي منكم مساعده ابي كل وحده منكم تحط نفسها مكاني وتقولي رئيها وكيف ممكن تتصرف لو هي مكاني لاقدر الله..
انا عندي زوجة اخوي اجنبيه وزوجها الي هو اخوي معذبها ومعيشها باهانه وضرب وتعذيب هي تحملت لمدة 6سنوات وهو ماتغير ومع هذا كله بتعاطى شغلات غلط..
المهم هي نفذ صبرها وقدمت شكوى عالسفاره وجت اخذتها من البيت واودعوها دار الحمايه لحد ما تنتهي قضيتها..
طبعا هي معها ولد وبنت الولد 5سنوات والبنت 2سنه...البنت اخذتها معها لكن الولد عندنا بالبيت لحظة ماطلعت امه ماكان بالبيت..
المهم انا اللحين بموت من القهر الولد كل يوم يسال عن امه واخته وابوه لان ابوه مسجون لحد ماتنتهي القضيه اناتصرفت وقلت له امك بالمستشفى مع عمتي واختك معها وابوك مسافر بس كل ما اقوله كذا يقول ليش امي ما اخذتني معها انا اموت من القهر اخاف اني اتصرف كذا وبتصرفي يكره امه وانا والله مو قصدي..
امه اتصلت علي اليوم وطلبت ولدها وانا اعطيتها تكلمه لكن امي قومت البيت فوق تحت تقول ليش تخلينه يكلمها هاذي ما تستاهل تكون ام..
انا انقهرت ليش يبون يحرمون الام حتى من سماع صوت ولدها ليش هالظلم والحقد مع انها ماقد غلطت عليهم..
انا ماني عارفه ايش اسوي هذولاء اهلي وهذا ولد اخوي وهاذي امه المظلومه وانا اخاف ربي ومابي اظلم..
كيف اتصرف ارجوكم اخواتي افيدوني الله يسعدكم..وادعولها بالفرج ارجوكم..وادعو لي بالزوج الصالح اللي يطلعني من ظلم اهلي لاني والله خايفه من العقوبه تكون فيني..مع اني والله مافكرت اظلمها وكنت معها الاخت ومازلت بوقف معها للاخر..