كل وحده تدخل تقول طريقة أنجح مكياج حطته المواد+التفاصيل :)

اهلين حبيبتي غالي والطلب رخيص
بالنسبه لاحلى مكياج سويته هو السموكي وهو اني اكحل عيوني من الداخل بقلم اسود من شانيل ثم اضع على الجفن المتحرك شدو اسود من نوبا ثم ارجع احدد العين من فوق وتحت بالكحل المائي من شانيل ثم المسكره واضع قلوس وردي وبلشر وردي وتطلعين احلى وحده في العيد
وسلامتك

انا استخدم 3 ماركات للاظلال make up 4 ever وهذا وايد يثبت!
ماك مختص للمعة!
ريد ارث الوانه صباحية وفاتحة وغريبة

مثلا اكون لابسة تركواز واسود واصفر!
تهزين ويهج بالكريم اساس بعدين البودرة كامل الويه بعدين الكنسيلر بالجفن المتحرك وتحت العين
تحطين الفونداشن "الظل اللي يثبت الاظلال" كامل العين! عندي من ميك اب فور افر
واحط ظل الاصفر من بداية العين ونص الجفن المتحرك! واييب ظل الاسود وادمجه مع الاصفر لين اخر العين حركة بيضاوية مستمرة لاسفل العين بعدين اييب التركواز واخلين فوق الظل الاسود وادمجه حركة بيضاوية!!
وبحركة حلوة احاول احط شوي ظل اصفر تحت التركواز خفيف وفوق الحاجب اصفر!
وحطي الايلينر! احط انا من برجوا لانه ما شاء الله ثابت! واسود! واحط حكل ابيض عشان تكبر العين ومرات احط كحل اسود داخل العين! وامسكر رموشي!

احط روج خفيف وتحديد! لاني حطيت ظل قوي فلازم يكون ظل خفيف عسب يكون فيه تناسق

واتمنى افدتج؟

مشكوره سعوديه ومشكوره فديت علاوي ؛الوانك حلوه وغريبه)
شكلكم حريفين ماشالله
هذا يخص العين
انا الحين ابي من البدايه عذروني طماعه شوي
عندي مشكله بكل انواع الفاونديشن ما يطلع ابدا مرتب دايما يفشلني اذا مو اول الطلعه اخرها
انا بشرتي مختلطه
جربت السائل والستيك والبانكيك
والبودره المضغوطه والبودره السائبه
ابي شي يخلي وجهي صافي ومافي لمعه ولا اختلافات باللون
حاولت اطبق طريقة الصالونات ماني عارفه بالضبط
فآنا ضروري ضروري احد يفهمني:(

انصحج ببودرة المضغوطة مالت ماك حلوة!!! اسمها studio tech
هي شرات الكريم اساس حلوة بعد! قبل ما تحطينه حطي كريم الصراحة انا احط واقي للبشرة شريته من الصيدلية وهو بعد يصلح واقي شمس!
بعدين وزعي الكريم اساس كامل الويه حطي الكونسيلر بجفن العين من فوق وتحت وحطي البودة وزعيها كامل البشرة!
بعد ما ترسمين عيونج! حطي البلشر على عظمة الخط من فوق ونازل بس الحين موضة طلعت انج تحطين البلشر تحت الخد عسب يبين ان خدودج منفوخة
وحاولي تنحفين الانف بظل البني من الزوايا وتحطين لمعة بوسط العين
وتحطين الروج والماسكرا!
وهاتي لمعه جسمة مثل حبات لمعه حطيها تحت عينج من اخر العين!
وييبي تاتو من ميك اب فور افر ولزقيها بلزقها الخاص تشترينه من عندهم!

وبتطلعين احلى عروس بالعيد

هلا قلبي ..

اول شي اشكرك عالموضوع اللي فتحتيه الرائع بالنسبه لي .. لانه بيفيدني كثير

لانه حالي حالك
..

وبعطيك كذا لنك انا شخصيا استفدت وبستفاد منه ..

كل ماركة واللي عجبني فيها واللي ماعجبني عن خبرة
<< صاحبة الموضوع ..أم حمودي..

أساسياتي في وضع الميك أب بالخطوات
<< صاحبة الموضوع أم حمودي..

..لاتفوتك مواضيع ام حمودي مفيده ..


مواضيع ShBeEh_aLrEeM
<< انا شخصيا عاجبتني مواضيعها

موضوع للمساعده من الميك اب وغيره

الموضوع هذا موضوعي .. انا حاطته لاني حايسه مثلك ..
بس اتمنى تستفيدي من الردود لانه تقريبا اسالتك زي اسالتي ..

درس مكياج مائي ((بالصور)) ... ظلال بتدرجات الأخضر

<<صاحبة الموضوع Alyasiyyah


واتمنى اكون افدتك ..

وسوري لاصحاب المواضيع لاني تليقفت وحطيتها بردي :D بس جد لاني حاسه فيها وحبيت ااساعد زي ماساعدتوني جزاكم الله خير ..