كل وحده تدخل وتحط نفسها مكاني وتقول ايش بتكون ردة فعلها قدام هالموقف

أسعد الله مساكم بكل خير واجازه سعيده علينا وعليكم يارب
حبيت اقولكم موقف صار لي قبل امس وبكل صراحه كل وحده تحط نفسها مكاني وتقول ايش بتكون ردة فعلها
طبعا لي شهر وانا عمي أبو زوجي عندي ...طبعا ابو زوجي مايجلس هو وعمتي الا عندي انا بسسسسس
اهل زوجي مو عندنا بنفس المنطقه بمنطقه ثانيه
حنا في عماره فيها ثلاث سلايف وكل شي عندي انا اهل زوجي مايجلسون الا عندي بحكم انهم يحبوني انا اكثر وحده هذا كلامهم لي والحمد لله الامور طيبه بيني وبينهم من تزوجت لي سبع سنين ويجتمعون عياله عندي بحكم ان ابوهم وامهم عندي طبعا ماعندي اعتراض لان اهل زوجي ناس طيبين مرررررره وسلفاتي محترمات مررررررره واللهم لك الحمد
الامور ماشيه بينا وكاننا خوات
المشكله مع زوجي يبي كلللللللللللل شي علي انا بس ولا يحملني الا انا الغلط يعني مثلا سوينا عزيمه لاهل زوجي نتقاسم انا وسلفاتي الاغراص بس في حال وحده منهم نست الغرض خلاص اكون انا المتهم الاول عند زوجي في كل شي كللللل شي
لما نروح لاهل زوجي في نفس منطقتهم انا وسلفاتي ونجتمع في عيد او اي مناسبه نفس الحركه انا كل شي علي اذا نقص شي اذا خرب شي
لاتقولون تكلمي مع اجلسي وصارحيه ماخلت شي بس فتره وخلاص وكم مررره كلمت ابوي وصارت بيني وبينه مشكله
ابوي شخصيته قوووووووووووويه ولا يرضى علي ابدا ابدا وكم مره قالها لزوجي بنتي مو كل شي براسها
طيب عطيتكم نبذه عشان تحكمون على الموقف وفي نفس الوقت ماخليت طريقه ما استخدمتها مع زوجي
زوجي له اسبوع وهو يقول انا بسافر يوم الخميس اللي هو هذا اللي راح وقالي وحتى قال لامي ان شاء الله انزلها عندكم يوم الخميس وانا بروح لمنطقه ثانيه بحضر زواج خويي قلت اوك مااختلف معه دام بيني وبينه كلام واتفاق ويعلمني
وكنت اقوله ترا اغراض البيت ماتكفي طول الاسبوع قال لالا انا بسافر يوم الخميس تكفي قلت ايوه قال خلاص وطبعا كلم اخوه قاله ترى انا بسافر وبودي عيالي عند اهلها وانت خذ ابوي قال خلاص
لين هنا الامور تمام
نجي الحين للموقف زوجي مايحب يعلم اني بسافر في هالوقت لالا مسوي فيها اني مستعجل وخلي السواق او احد من اخوانك ياخذك عادي مانختلف مدام بيني وبينه كلام واتفاق ويعلمني
سمعني وانا اكلم اختي تعزمني يوم الخميس للقهوه والعشاء عندها يوم سمعني ياشر لي يقول لالالا مافي تروحين الا اذا احد يوديك ويرجعك للبيت سكرت من اختي قلت ليش قال بس كذا
وراح وناديته قلت له تعال تعال تفاهم معي قلي ليش علمني ايش فيه قال لالا ماتروحين انا بحضر زواج خويي في منطقه تبعد عنا 500كيلو ويمكن يجلس ثلاثه ايام وانتي اجلسي هنا لاني بعدها بجي بنزل اغراضي وبجهز اغراض ثانيه وبروح لدبي
فقولت طيب نزلي هالثلاثه الايام عند اهلي لين ترجع قال لا والله قلت ليش والله اني لاروح
ركزوا على والله اني لاروح قلتها بعفووووووويه
لانه قالي ليش تحلفين علي ان تروحين لاهلك وهو ماعرف ايش ياخذ عذره لانه مبيت النيه اني ماروح لاهلي
خلاص .وحنا عالغداء قال ماعندك اسلوب لو عندك اسلوب خذيتي عيوني وهو كذااااااب يحب نفسه لدرجة الانانييييييه
جاء يوم الخميس انا مادري متى بيسافر ولا قالي
جاء وصلى العصر ودخل البيت وخذا ملابسه في شنطه صغيره وطلع وانا بالصاله واقصاها ماقال ايش ناقصكم ابدا ابدا ابدا او انا مسافر ياهوووووو او عطاني مصروف ولا شي وفوق هذا الثلاجه فاضيه من وإلى لانه قالي بسافر بلاش مقاضي للعلم هو كررررررررريم جدا في بيته الظلم خيبه بس يحب نفسه
وفوق هذا مخلي ابوه عندي بالبيت 😈
وطلع انا هنا انفجرررررررررررررررت
طبعا انا ماخليتها له كذا سوت اللي ينكد عليه سفرته
مابقولكم موقفي ايش سويت
طبعا هذا الموقف هو سبب شي واحد اللي بيني وبين زوجي هو انه مايقولي انه بيسافر او بالاخص لما ابغى اروح مشوار مايحب يعطيك موافقه على طول يحب يراوغ كثييييير مايعطي الواحد كلمه
كل وحده قرت الموقف تحط نفسها مكاني وتقول ايش بتسوي
ابغى اقارنه بردت فعلي له في الموقف اللي سواه فيني