رددى تلاقين شقق وان لقيتى اسعارها فوووووووووق الله وكبر لو انى ساكنة جنب الحرم

طبعا انا رايحة لها غصب موطيب لان زوحى موظف هناااك ..

انا اكتب لك الان من وسط ابها الجووو براد .. وامس كنا بمنتزه هام السحب ونزل علينا مطر وحبات البرد... والجو خيااااااااااااااااال

والحبله حلووووه لكن يفضل تروحي لها من الساعه 3 العصر لاننا وصلنا له الساعه 10 وكان حر وشمس بس مو حر اللي انتي تعرفينه لا تكون درجة الحرارة 22 لكن بعد العصر يجيك الضباب والمطر لذلك اقترح عليك تكشتون في منتزهات رغدان وتسون غداكم فيها وبعدها روحو للحبله لانها على نفس الطريق.. وفيها تلفريك ينزل لقريه تاريخيه اسفل الجبل سعر تذكرة التلفريك 70 ريال على ماعتقد

وانتم راجعين على المغرب مرو مهرجان ابها بجنب المطار تمشو فيه سيرك مصري وعروض للثعابين وفيه اسواااق عالميه والكترونيات ومسرح للاطفال والعاب للكبار والصغار بصراحه بحياتي ماشفت زي تنظيمهم لابالرياض ولا الطايف..

ويوم ثاني روحو لمنتزه السحاب من بدري فيها اعلى مطل وجلسات خيااال ولو كملتو فوق بتلاقو جلسات تأجر من الصبح الى 10 ليلا وفيها مطعم والعاب اطفال بس المناظر احلى خاصة الغرف حلوة تطل على الجبال تكون تحت وقرى والجو فيها ابرد من ابها بكثير..
احنا نجلس الى اليل فيها

ويو ثاني اطلعو للسوده فيها مكان للتخييم وسو غداكم فيها والعصر احجزو التلفريك ينزلكم لرجال المع فيها سوق عادي وفيها جلسات والمنظر خلاب
وقبل المغرب ارجعو لوسط ابها للجبل الاخضر عباره عن مقهى سعره معقول ومطعم لكن مطعمهم غااالي و بس المنظر للغروب ماايتفوت ابد ابد ابد من الجبل الاخضر تقدرين تشوفين ابها من فوق وفيها تلفريك يوديك لمطل ابها الجديده اللي راحو له يمدحونه انا فضلت اجلس بجلسات الجبل الاخضر

وفيه عندك حديقة الملك فهد وحديقة ابو خيال حلوة للجلسه والاطفال يقدرون يلعبون على راحتهم بس عيبها دوراة المياه لك عليها وعلى فكره ترا الجو بابها ليلا باااااااااااااارد قد ماتتصورين احنا يالكبار مااستحملنا البرد ورجعنا للبيت
االحين نجي للاسعار
احنا صار لنا تقريبا اسبوعلما جينا كان السعر معقول سكنا بشقه اليوم ب300 ريال غرفة نوم وغرفة تلفزيون ومطبخ ودورة مياه وانتي بكرامه ومطبخ وصاله صغيره بها طاولة اكل .. ويقول لنا العامل انهم من الاثنين اللي راح رفعو السعر وصارت ب500 لانه يعتبر موسم صيف اما احنا لانننا وصلنا قبل رفع الاسعار فاستمرو ياجرونا بالسعر القديم اللي هو 300 وبالشقه غساله وكوايه ومنشر للغسيل وادوات طبخ كامله بس مااستخدمنها لاننا جايبين عزبتنا كامله

على فكرة اسعار الغرف بمنتزه سحاب دبلت الاسعار اول ما جينا اخذنا الغرفه ب100 وامس الغرفه ب200 ويخصمون منها قيمة الدخول 40 ريال
وفي الحبله يبيعون الدجاجه مع الرز 80 ريال <<العن ام الاستغلال واذا معك اطفال نصيحه خليهم يجيبون العابهم معهم لان الالعاب اللي ب2 ريال تباع ب10 واللي ب10 ب35 استغلال على اصول..
الجلسات بالحبله تقريبا كانت ب150 مكشوفه لكن تطل على مناضر روعه وفيها فلل ب350 مادخلناه
انتبهو من الطريق كله طلعات ونزلات خطيره لازم سياره تتحمل واخذو احتياطكم من اللبس الشتوي لايغركم الجو وسط ابها ..

ويعيب علىابها شوارعه تضيع اللي ماايضيع يعني لازم معك خريطه وقلة لوحاتهم تتعدين المكان اللي تبينه وانتي مانتبهتي

واسواقهم مو ذاك الزود لكن ارخص من الدماام بكثير عندهم اشياء حلوه

وابي اقولك شي مهم لاتسكني بشقق السامر لانها تطل على المقبره يعني تفتحين الدريشه وتتصبحين بمناظر القبور والادهى انهم مقفلين الدرايش بمسامير عشان محد يدري لكن الله كشفهم ودرينا مع انهم كانو الارخص بس ب250 ريال وعندهم غرف ب150
ومايقلون لاحد انه وراهم المقبره<<تخيلي بعد ماستاجرنا عندهم وكنا ننزل العفش كل اللي بالشارع مستغربين منا وكان بوجيهم كلام يبون يقلونه لنا لكنا مااعطيناهم وجه ودخلت الشقه واختك في الله لازم تشيك على المناظر واستغرب من تقفيلتهم للدرايش بمسامير وافتح دريشه جانبيه مو على المقبر واطالع بجهة الدرايش المقفله واشوف طرف للمقبره وعلى طول نرجع العفش للسياره
وان دخلتي الشقق تحسينها مسكونه تخوف بسم الله علينا <<قصة حياتها تحب الهذرة البنت

موقع المسافرون العرب او العرب المسافرون خدمنا كثير في رحلتنا وبرنامج قوقل ايرث.. وانا زرتها اكثر من ست مرات بس متغيره عن اول ونعرف في شوارعه شوي

يالله حبيبتي ان شاء الله تتوفقون بسفرتكم وتستانسون وان شاء الله نوصل بالسلامه لرياض

الف شكر لكم والله يعطيكم الف عافيه ماقصرتوا بنات الله يجزيكم كل خير
طيب اذا مافيها لافتات والشوراع تضييع اجل كيف ندل الاماكن الحلوه الي ذكرتوها ؟ خاصه ان اول مره نروح ولانعرف شي بالمره
والعربات المتنقله الي مرتفعه شكلها مرره رعب هذي ضروري نركبها للانتقال من مكان لاخر والا مجرد للترفيه ؟ لان عندي بنت اقل من 2 والثانيه اقل من 6 سنوات اخاف عليهم
ويفضل ان ناخذ معانا اغراض الطبخ واطبخ هناك ؟ هل ماتتوفر المطاعم ؟؟لاني فهمت من كلامكم ان نطبخ وحتى لما قريت في منتدى ثاني نفس الشي ياريت توضحون لي والله يعطيكم الف عافيه :26:

ياعيوني الي يطبخوا يكونوا عوائل كبيره يعني جماعات رايحيين كلهم مع بعض اما لو انت وزوجك وبناتك فقط ما يحتاج تطبخين انا مثلك رحت انا وزوجي واولادي فقط ما اخذت معي الا اغراض شاهي وقهوه وملاعق فقط ..المطاعم متوفره فيها وبكثره وفيه مطاعم عوائل تجنن مثل الشموع والمطعم الدوار ...يعني لو ماانتم كثيرين لاتطبخين وتعبين نفسك ...وياقلبي ابها مليانه لافتات تعلمك على كل منطقه ..وممكن زوجك يسئل موظفين الفندق عن الأماكن الزينه ومواقعها ومايقصروا معه لأنهم والله اهل كرم ونخوه وجود ...ومتعودين على السياح واسئلتهم
اما بالنسبه للعربات المعلقه(التلفريك )ماهي ضروريه للتنقل يعني فقط للترفيه ....
لاتنسيني بدعوه في ظهر الغيب الله يسعدك

للرفع
حتى نستفيد