كل وحده ترضع ولدها

ها جيتي للوقت الحساس ......

انت فهميه انه اذا عض خلاص مافي رضاعة ...انا كنت احطهم على الارض واقوم ..يعني روح اشرب من

البحر .

بس انتبهي انه اذا عض عليك لاتشدي من فمه عشان لاتنجرحي ...سدي انفه عشان يفتح فمه .

بس اذا فهم انه غلط ولا راح ترضع.... يبطل ...انا مجربتها بس اقعد فترة بسيطة اول مايسنن الطفل

وبعدين يبطل .....ورضعتهم كلهم فوق السنة وكلهم سننو من بدري ..من السابع تقريبا..

الله يكون في عونك...

مشكووورة يا حمرة الورود

أنا ولدي يوم بدأ يعض قعدت أصرخ عليه وأقوله لا
فديته يضحك يتحراني قاعده ألعب عنده

اللحين صرت إذا بدأ يعض ما ارضعه وأقول يوم بيوع برضع عدل


بس نفس الشي

اللحين بجرب اسكر انفه(ما ادري إذا يطاوعني قلبي) وراح اشوف
بس سؤال كيف اخليه يعرف انه غلطان يعني اذا بدا يعض اخليه في الارض وما اعبره

هذه مشكلة الاسنان..خاصة انها تكون حادة جدا عند بداية بروزها..
كما تفضلت الاخت حمرة الورد..اقفلي انفه ولا تخافي ابدا فذلك لن يؤثر عليه اطلاقا ..لكنه سيفتح فمه تلقائيا ليتنفس.."نستخدم هذه الطريقة لفحص اللوزتين"..وبهذا يمكنك سحب صدرك من فمه..
ستلاحظين انه يقوم بالعض عند احساسه بالشبع..فيحين بالنسبة له وقت التسالي !!
لهذا فتوقفي عن الرضاعة اذا بدأ بالعض..وارضعيه عند احساسك بجوعه فقط..
لا تنسي انه ياكل الان..فحاجياته الغذائية يقضيها من الاكل بجانب حليبك...
ولا تنسي الاستعانة باللدائن الطبية..او اي شئ يحك به اسنانه المؤلمة..
وسلامات..

عزيزتي همسات ... بيني انك زعلانة وانه عيب كدا بس لاتصرخي وتتألمي لانه فعلا يقعد يضحك يحسبها

لعبة ..وبعد تمثيلية الزعل قومي واتركيه وقوليله اذا تبغى تعض مافي ننا ..

السلام عليكم ورحمة الله وبركاته

أنا كنت أقرصه من خده لما يعض وما أترك الا لما يشيل أسنانه كان يضحك ويشيلهم ، يفكرها لعبة بس مؤلمة

وبعدين بطل يعض