حلا الإمارات :

هلا الغاليات اشكر صاحبة الموضوع على طرحها له بالنسبة لى فقد تعاملت مع الاخت (توته الحلوة) وخذت عنها مخلط الحجر الاسود بدهن العود + عطر الشيخه + عطر الشباب + رش فراش العروس .. وروايحهم حلوه .. ويزاها الله خير عطتنى عينات من الدخون الملكى + الدخون العربي + العود المعطر. الاخت هيومة خذت عنها جهاز صانعة الشكولاته .. حلو وسهل الاستخدام وعملي واايد .. ويزاها الله خير ما قصرت وياي. الاخت اسبرانسا .. يزاها الله خير خذت عنها جهاز عين الجمل والوافل .. بصراحه روعه واستانست لما وصلنى خصوصاً انى من زمان ادور عليه .. والحين صار بين يدي.. وكل يوم اسوي منه تقريبا. وعقبال ما اجرب الاشياء الثانية اللى خذتها من بعض العضوات والاشياء اللى طلبتها وبتوصلنى جريب وللأمانة .. جميع من تعاملت معاهم بصراحه .. لديهن دقة في المواعيد وتوصيل الاغراض .. واسلوب راقي في التعامل واللباقة

هلا الغاليات اشكر صاحبة الموضوع على طرحها له بالنسبة لى فقد تعاملت مع الاخت (توته الحلوة)...

همس الامارات :

اخذت 1- زيت للشعر من الاخت tedy الصراحة وقف التساقط و نبت عندي شعر جديد 2- كحل امنيني (روعة) 3- مقص الحف من الاخت بنت الكويت العسل الصراحة افتكيت من الصالونات و تعلمت عليه بسرعة. 4-شباصات الاخت Romanove روعة الكل يسألني عنهم 5- عسل من وردة البحرين للحمل لصديقتي الصراحة بعد الاستعمال على طول انتظمت الدورة عندها و ان شاء الله الله يرزقها بالذرية الصالحة. 6- خلطة فيافي 2005 بعد لصديقتي اعتقد انها ممتازة. 7- صواني من الاختmam_175 روعة و طريقة الكيكه حلوه و خفيفه. 8- طلبت من الاخت mooni اغراض من امريكا و كانت بالضبط على الطلبيه. 9- انتظر الكتاب من عند الاخت الدانه. اذا اتذكرت حد بعد بخبركم. :39: :39:

اخذت 1- زيت للشعر من الاخت tedy الصراحة وقف التساقط و نبت عندي شعر جديد 2- كحل امنيني...

Romanove :

السلام عليكم ورحمة الله وبركاته ختيه الغالية فتون الإمارات أشكرج على هالموضوع المتميز .. ربي يجعله في ميزان حسناتج إن شاء الله .. بالنسبة لي .. أشكر كل الخوات .. وبصراحة كل وحدة انذكر اسمها هنيه في الموضوع من التاجرات أنا أشوفها متميزة .. يعني والله أكثر الأسماء اللي انذكرت هي من الأسماء اللي أحب أتعامل وياها وأفكر أتعامل وياها جريب إن شاء الله.. من الخوات اللي تعاملت وياهن الأخت haidi1000 شرت منها ختيه نسيت اسمي:( مندوس عرسها .. وكان يحتوي على عطور ومخلطات ودخون وعطر فراش .. الأخت رااااقية في التعامل .. وطرشت لي هدية مع الطلبية دخون خاص بالعرايس .. وغير جيه في دهن عود العنود .. سعره 350 درهم .. لكن لأنها بالغلط قالت لختيه أنه بـ 250 درهم ما ردت في كلامها ولا بلغتنا بهالشي إلا عقب ما استلمنا الطلبية .. صورة المندوس من الخوات اللي ناوية أتعامل وياهن إن شاء الله.. 1- الأخت فتون الإمارات .. شغلها وااااايد روووووعة ومرتب وأسعارها واااايد حلوة.. 2- الأخت توتة الحلوة .. بصراحة الأخت أم خليفة قمة في الأخلاق .. وبصراحة متخببببلة من زماااان على دخونها ومخلطاتها.. وإن شاء الله بتعامل وياها جريب .. 3- الأخت قوارير .. بشم عيناتها جريب وإن شاء الله يكون لي تعامل وياها جريب .. وبصراحة هي قمة في الأخلاق .. ----------- كلمة حق يجب أن تقال ----------- أشكر ختيه همس الإمارات على ذكري في ردها .. بصراحة عن نفسي .. ويشهد رب العالمين على كلامي بأنه الأخت همس الإمارات من أروع الناس اللي تعاملت وياهن هنيه في المنتدى .. رغم أنيه يديدة في مجال التجارة وبادية المهنة كهواية .. لكنها من أكثر الناس اللي شجعوني على الاستمرار .. وبصراحة هي قممممممة في الذوق والأخلاق والتعامل الراقي .. يزاها الله عني كل خير .. أتمنى التوفيق لكل تاجرة أمينة تخاف الله في تعاملها ..

السلام عليكم ورحمة الله وبركاته ختيه الغالية فتون الإمارات أشكرج على هالموضوع المتميز .. ربي...