كل وحده تعطيني رايها ولو كانت في موقفي اش راح تسوي.

أنا مندوبه لعدةشركات أعرض كتلوجاتهم عندي في الصالون وأعرضها على أهلي .. مره وأنا في الصالون جاتني وحده كبر أمي تعرض منتجات أورفليم والله حزنتني وقالت إن زوجها متقاعد وهي حابه تكسب فعرضت عليها منتجات عطاره وقلتلها اللي راح أربحه أقسمه بينا وأنا والله ماسويت هذا الشي مع أحد إلا هي .. وتفاجأت منها بعد مادليتها عليها سارت تطلب مني إنها تاخذ من المحل على طول عشان ماباخذ منها ربح وهذا وأنا قاسمتها في ربحي لا وهي ساكنه في نفس الحي حق صالوني وقلتلها لو بعتي بأغلى الكل حيجيني لكن أنا نقصتلك في السعر عشان تكسبي وفعلا سوت اللي في بالهاو راحت لوحده هنديه تجيبلها البضاعه بأكثر من سعري .
واليوم سارلي موقف ثاني معاها مايتصدق جاتني أمس تعرضلي أكون مندوبه في شركتين واتصلت عليهم ويعلم الله إني أول ماتصلت قلت للرئيسه سجليني تحت ( فلانه ) وفي نفس اليوم عرضت عليها تشترك تحت اسمي في شركه فرنسيه .. تصورو إش سوت إتصلت على المركز الرئيسي في الرياض وسجلت لا واتصلت علي تقول إش رايك أسجلك تحت إسمي .
أول مره أرد عليها ولا عمري حبيت أجرح أحد بس قلتلها يختي ليه اسلوبك كذا أنا اتصلت وسجلت تحت اسمك في الشركتين وأنا عندي رقمهم بس ماحب أخون أحد وإذا كان هذا اسلوبك ومبدأك أنا ماأحب أغير اسلوبي .
والله يابنات إني مقهوره ليه قلبي ضعيف وأثق في الناس وما اتوب من أول مره .
طولت عليكم بس ماعندي أحد يفهمني غير اللي مر بمثل هالشي.