انا احب احطي في شنطتي لبان وقلم حبروقلم تحديد وشوية روج ولزق جروح وبطايق صحة مالتي ومال عيالي وتلفوني وفلوسي طبعا

تسلمين عل الموضوع حلو
بصراحه عندي 3 شنط للاستخدام الضروري
1_وحده حق طلعات السوق والمستشفى يعني بيها شوي فلوس على قلم على كروت محلات ومستشفيات وبطاقة الصراف<<<< لها شهور موقفه..

2_ وشنطه لطلعات الوناسه بيها عطر... دهن عود... روج ...كحل... مرايه.. مناديل.. منظف للاذن...

3_ وشنطه للبيت كبيره وخفيفه مره فيها الجوال المفاتيح دفتر وقلم وكتابين على الاقل وعطر للبيت وروج للبيت وكحل بني استخدمه لعيوني وحواجبي وكريم لليدين ونظارتي الطبيه ولبان
ووووبس


عارفه اني غريبه بس وش اسوي انا دايما مستعده ههههههههههه

تحياتي للجميع

أنا صراحة اهم شي عندي بالشنطة الجوال لأن الوحده اذا ضاعت وما معها جوال تضيع والملحقات الثانيه علك طبعا ومرايا وروج وعطر وسلامتكم .........

اما شنطتي مجموعة من القاذورات ههههههههههه اوراق يابنات مش قادرة اتخلص من هالعادة قصاصات على اوراق تقول ان بي انتماء بيني وبينهم اشتهي يكون شنطة انثوية وشنطتي طبعا عالكتفين مثل طلاب المدارس عشان تحمل همومي .. وتعالوا شوفوا الخيبة تراني معلمة الفطور الي بيها يكفي المدرسة وياريت اكلا بعطيه والكتب والتحاضير كلهم مرة وحدة اول مااقوم من الصبح كبببببببببببببببببببببببببب البسها واطلع مافي ترتيب ..
بس ادا طلعت لحفلة ضروري قطعة روج وبودرة ومشط للشعر ورائحة ..

هلا اختي ..

مثل ماقالوا الاخوات على حسب المشوار ..

لو طلعه عاديه المحفظه والجوال وكريم لليد مفاتيح ومناديل كلينكس للجيب ومناديل ديتول ودفتر صغير وقلم ولبان ومعطر للفم وعطر العينات احطه بالشنطه .. ومرطب شفايف ...

ولو رحت عند احد اطلع الدفتر والقلم واحط بداله فرشة شعر وعطر ثاني غير حق الشنطه والروج لاني دايم مااحب احط الروح الا اذا وصلت المكان اللي بروحه :) ..

واللزواجات اشيل بس مفاتيحي وجوال وعطر وروج للمكياج اللي حاطته والليب لاينر :)