رفع

اككرره عزايم الغدا ممله متى ابدا ومتى اخلص اذا عزايم عشا ويمكن يجون الضيوف وانا ماخلصت كيف عالغدا
عالعكوم انا اول شي افكر فيه اذا عرفت ان زوجي عزم هو المطبخ وماادراك مااالمطبخ يجيني حالة وسوسه انظف حتى مابين الشقوق اقول يمكن احد يشوف يمكن احد يفتح الدواليب ووالله يجون ويروحون ماطالعو في دواليبي بس انا اخاف ماابغى احد يتكلم علي اما التنظيف اباقي من في الليل وطبعا ذيك الليله مايكون فيها نوم زين من التفكير لان ماعندي احد يساعدني وعندي اولاد ماينفعوني بشي الا يزيدوني حوسه وتوتر بس اسوي الي اقدر عليه في الغالب حلا صنف اوصنفين مع القهوه اما المعجنات مايمدي ابد شاهي لحاله او مع مكسرات يكفي لانه وراهم عشا بيسد انفسهم خلهم يتعشون احسن

الله يعين انا عندي عشاء يجون ولا غذاء
مره متعب الغذاء ظغط نفسي وسهر وتعب وارتحت
صاروا كل اللي يجوني عارفين روتيني الله يحيهم عشاء غيره ماينفع
والباقي نفس ماذكروه الأخوات

أنا ضد التكلف

إذا كان فيه عشاء أكتفي بقهوة ونوع حلا
وبعدين العشاء وأخيرا شاي احمر اخضر

إذا مافي عشاء قهوة وتشكيلة حلا وتمر وشاي مع موالح خفيفة ومعجنات
وصلى الله وبارك

جدولي اذا بيجوني ضيوف...:love::love:

طبعا انا الحمدلله دايم محافظة على نظافة بيتي وترتيبه لذلك الحمد لله مااتعب لما يجوني ضيوف حتى لو على غفلة وعشان

الضيوف اللي يجون فجأة مجهزة بعض الأشياء .عندي تمر علبة كبيرة جدا وجبت علب صغيرة علبة حطيت فيها جوز

الهند.:cook:

وعلبة فستق مطحون .وعلبة سمسم وحطيتها بالثلاجة بحيث لوجاني احد اغمس التمر بكل الأنواع واصفها بصحن بشكل

حلو وأقدمها مع القهوة .وكمان لازم دايما يكون متوفر بالبيت شكولاتات وحلويات تفك ازمة اقدمها مع التمر

والعصير مكان دايم متوفر بالثلاجة وبااارد مو لازم فريش العصير المعلب او فيمتو وكاسات العصير نظيفة وبالدولاب

ومع الشاهي مكسرات وبدولابي حاطة بعض الاشياء (فشار_ زي المنفوش صغاريجي ملون مااعرف وش اسمه )اسويه

مع الشاهي..مااحب اربك نفسي واطلب شي من السوق خلاص عندي اشياء تمشي الحال


اما اذا من بدري عارفه ان احد بيجي او عندي عزيمه...

اول شي اشيك ع البيت واعدل اشياء بسيطة احظ صابون جديد ع المغاسل ومناديل ومناشف جديده وابخر واعطر واحط

ريحة حلوة بدورات المياه الله يكرمكم واذا فيه غبار امسحه طبعا كل هذا قبل بيوم اذا كنت ضامنه مااحد يخرب من وراي .

في المطبخ اجيب صينية كبيرة وارص فيها الكاسات والفناجيل وكاسات العصير وتكون نظيفه وصينية ثانية ارص فيها :3_13_12:

صحون الحلا وملاعق صغيرة وثلاجة القهوة والشاي واحطها على جنب عشان يكون كل شي قدامي وبالراحه اخذه .

طبعا بالليل او الصبح بدري اجهز الحلى واحطه بالثلاجه واغطيه ..احسن نوعين اسويه وكل ماطولت بالثلاجه يكون احسن

تشيز كيك وحلا الطبقات اللي كيك تحت وفوق قشطه وكريمه ..الخ اكيد كلكم تعرفونه سهلة ولذيذه وكمان حلا كرات

الشكولاته مغمسه بجوز الهند وتمر وحلويات جالكسي وتوكس الصغيرة .

العصير اسوي فيمتو واجمد قوالب ثلج في الفريزر .وجك عصير اي نوع ثاني طبعا احنا نجيب المراعي كيوي ومانجو

لذيذه وتكون باردة .

مع الشاهي مكسرات وفصفص وطبعا مفرزنات اجيبها من وحده متعامله معها سمبوسة بالجبن والخضار.. واصابع الجبن

وبف ..وكبة وكفته و ابسرعه اقليها بعد مااسوي الشاهي حتى تكون طازجه وساخنه

وبكذا تكون ضيافتي جاهزة وبيتي نظيف ولبسي جاهز ومكوي ومعلق بالدولاب .عاد اروح اخذ شور واستشور شعري :3_2_21v:

وألفه واناااااااااام واصحى فايقة ونشيطه والبس واتعطر واحط مكياج واكون مرتاحه ماوراي هم وتعب ويجون ضيوفي

واستقبلهم بابتسامة ووجهي مرتاح لازم مايكون الواحد مرهق لما يجوه الضيوف عشان يحسو بالراحه وانهم ماكلفو علي

بس واقدم لهم العصير البارد اول شي

وبعدين القهوة والحلا والشكولاتات ..وووو

وبعدين الشاهي والمكسرات وكل وحده اعطيها صحن فاضي وشوي واسع وادور عليهم بالمقليات الكبة والبف ووو الخ

افضل الصحون تكون بيضا سادة رووعه مره

والعشا نكون حاجزين ذبيحة من برا ومخللات وطرشي ومويه وببسي وسفن واسوي سلطة وليمون وبعد العشا


برادي شاي اخضر وبرادي نعناع وبس وسلامتكم ..