نروح مرتين المره الاولى سله شوكلاته وباقه ورد
المره الثانيه قهوه وقرفه وحلى ومرقوق وجريش يعني يكون عشاء واشياء كثيره مع هديه للبيبي والام ..

انا اروح مره وحده واخذ صحن حلا وصحن معجنات وصحن ورق عنب وصحن كبه وتكون مغلفه تغليف كشخه ويواجه وا حيانا علبة شوكلاته كشخه بتغليف مواليد طبعا وبوكيه ورد احيانا بالاضافه الى هدية المولود يا فلوس يا كرسي او مشايه ومغلفه مع قهوه وشاهي ونعناع وزنجبيل لو بالشتاء

وعموما تقديم الحرمه للناس يعبر عن مقامها هي لو كانت جزله فهي ما تمد الا اللي يشرفها ويبيض وجهها

ان رحت وقت عصرية خذت معي عريكة او عصيدة او حنيني او محلااو شوربة والا جريش
وقهوة وشاهي وقشر او حليب للنفاس مع فطاير وصينية حلا
وان كان بعد المغرب طبخت عشاها ويكون منوع ووديتة معي وسويت ثلاجة قهوة وشاهي وحليب وجلست شوي وطلعت عشان يحطون عشاهم ويتعشون
الهدية على حسب يا اشتري شي يجمل واغلفة او احط فلوس واغلفها واعطي المولود
واذا هي عزيزة وغالية سويت عشاها ووديتة وان كان عادي مرة تكفي
وان كانت من الجيران جلست كم من يوم ارسل لها فطور وغداء وعشاء الين تحس تقدر تقوم
والشي يرجع للشخص نفسة عامل الناس كما تحب ان يعاملوك

سله شوكليت ومعجنات

إذا كانت بعيده
صحن حلا وصحن مالح
وإذا قرايب أحياناً تصير عشاء