الصراحه اعتقد الجميع نفس العادات ما في شي جديد ...

البيت يكون مبخر ومرتب... العصير ثم القهوه والحلا... والسوالف الحلوه... ثم الشاي والمعجنات او المكسرات ... اذا ماكان في عشاء او اذا كان في يكون الشاي او النعناع بعد العشا

وكمان حلو بعد العشا نبخر الضيوف... وسلامتكم :)

يابنت الناس نطقهم بمرحبا وهلا من المدخل لين غرفة الجلوس
ومن هالمراحيب والتهالي الي بعضها صدق وبعضها مجامله
ونجيب القهوه والشاي والباقي تعرفونه

بعد الترحيب وجلسته على طول الماء وبعده القهوه وطبعا نوعين وحده هيل ووحده عويدي وتمر مرتب وجنبه صحن صغير ما حتى يغسل التمر قبل ياكله وأذا موسم التمر لازم بسر برحي بعنقوده يعني تاخذين العنقود الكبير وتقطعين منه كم خيط (ما أعرف أوصفها)بس يكون فيه كم بسره وتصف في صحن كبير شوي
وبعده الشاي بعد نوعين واحد وسط وواحد ثقيل شوي (للي فيهم سكر)
وبعدها البخور اذا عصريه وأذا عشاء أوغدا نأخر البخور لبعد الأكل وطبعا تكون مفطح ومعه جريش وقرصان وفواكه وبعده شاي أخضر بنعناع غالبا
((((هذي طبعا عزيمة الرجال )))

أماعزيمة الحريم
أولها عصير وبعده قهوه وحلا وبعده شاي مع فطاير أو مكسرات أذا بعده عشا والعشا يكون كم نوع أنت وراحتك ومعه حلا سفره وبعده شاي أخضر بنعناع
وقبل هذا كله يكون البيت مبخر وريحته حلوه

حسب
اذا عشااااا
طبعا ترتيب البيت زززززززززززززين+بخور


حلى قهوة وتمر وقهوة


بعدين العشا


بعدين حلى العشا

بعدين الشاي و النعناع او ممكن الشي قبل العشا اذا كان العشا متاخر




اذا سهرة وناس اول مرة
عصير
قهوة+تمر+كم نوع حلى
بعدها
شاي+معجنات+ورق عنب وغيرررررررره من ملحقات الشي


اذا سهرة وناس نمون عليهم
قهوة وحلى
بعدها
شاي واي شي معه

اذا جمعة جيران مثلا
سفرة قهوة وحلويات وشاي وموالح:22:

وطبعا كلها لازم الترتيب والبخور والنظافة وترحيب وتهليل و وجه بشوش:27:

فكرة حلوة وضع الصور سوف انزل صور قريبا كما عندي اضافة انه عندنا في الجزائر يجتمع الكل مع بعض نساء و رجال ادا كان الضيوف من الاقارب اما ادا كانو غرباء فالرجال في صالة الرجال و النساء في صالة خاصة بالنساء كما ان الطقم و الشراشف و ما شابه تختلف بالنسبة للنساء يغلب عليها الون الزهري و الدهبي اما الرجال الازرق و الفضي كدلك الا شكال. كما تحرص العائلات على ارتداء اللباس التقليدي.