كل وحده تقول كيف تتصرف مع ضيوف كذا ؟؟؟

الأسرة والمجتمع

حبيباتي

موضوعي اليوم هم شايلته فوق راسي وماجاني النوم من كثر مايمر على وافكر فيه دايم

يابنات اعرف ان كثير منكم يمر بهالمواقف

انا فتحت الموضوع ابي اشوف خبراتكم وتصرفاتكم بهالمواقف خلونا نتعلم من بعض

اليوم فاتحني ابو العيال انه بيعزم ناس على العشاء الاسبوع القادم تقريبا 6عوائل باطفالهم
وبيعملون شواء بالبيت

المشكله ماهي هنا ؟؟؟؟؟؟؟؟؟؟؟؟؟

المشكله ان هالناس يرفعون الضغط
انا بيتي فيلا كبيره وماعندي شغاله وهالحريم اللي يسيرون الوحده من تدخل باب البيت تنسى عيالها
اللي يكسر من هنا واللي يفتح الثلاجه واللي يقول صبيلي شاي واللي يكب الشاي والعصير قدام امه والله ماتتحرك وتشيله من يده واللي يقول دخليلي السيكل على الرخام بالبيت وامه تدخله وتعدم لي البلاط واللي مايطلع الا والحديقه خاويه كل ورقة شجره بديره واللي واللي ................آآآآآآآه بس

وانا ياحسره ساكته ماادري كيف ارد والله ؟؟؟؟؟؟؟؟؟؟؟؟:(
ودي مره انغزهم بكلمه يفهمون كيف يحترمون بيوت الناس
والله يوم اجيهم عيالي مايتحركون من غرفة الاطفال ولايفتحون فمهم

زوجي مايحب يشوفني ملوله منهم :arb:
كيف اتصرف قولولي ؟؟؟؟؟؟؟؟؟؟؟؟؟؟؟؟؟؟
التحف والاشياء الزجاجيه واللي تجمل البيت ماتسلم من يدينهم ؟؟؟؟؟؟؟:42:
لاتقولون لي شيليهم قبل مايجونك مااحب بيتي يبين فاضي ؟؟؟؟؟؟؟:eek:

تكفون اسعفوني هالمره ودي اكون صارمه لان في الصيفيه بيجونا اخوات زوجي وعيالهم
واحتمال ينزلون عندنا اسبوعين او ثلاثه كيف اتصرف انا من النوع اللي انقهر واخاف على كل قطعه بالبيت لاني تعبت وخسرنا الحد مااشتريناها؟:( اليوم اللي ادري انهم بيسيرون علي تجيني حاله ماعاد اكل ولااشرب من الهم؟:eek:
24
2K

يلزم عليك تسجيل الدخول أولًا لكتابة تعليق.

تسجيل دخول

ام المجد سعوديه
معقولللللللللللللللللله شرفتيني الله يشرف مقدارك
وطمنتيني بفكره وريحتيني اروح انام وانا همتي مشدوده شوي
مشكلتي والله خجوله واستحي آآآآآه والله مدري وشلون اشرحلك ؟
هدهد_q
هدهد_q
شوفي اختي اذا هم مايستحون انت لا تستحين منهم والله لو انا منك لا اطقها بوجيههم اول مايسوي احد شي قولي للولد عيب تسوي كذا اذا مافاد قولي لامه واذا مافاد عاد الشكوه لله...
Q!!
Q!!
دبري لهم كل يوم طلعه مره استأجري لهم استراحه ومره وديهم البر وهكذا ارجوا البيت ناموا بس


بس بجد قلق الوحده تنظم وتهتم في بيتهم ويجون ذول على البارد الستريح يخربون :(
soolaf
soolaf
ياعمري إذا هم ساكتين وهم عارفين انه غلط وش دعوة اكيد مايرضون هالشيء على انفسهم...
خليك صريحة وقولي لا كذا غلط ومايصير خليك طبيعية مالك الا كذا وش بتسوين او ارفعي كلللللللل شيء
واحد من الحلين مافيه ثالث..
الله يريح بالك
دمتي بأفضل حال إن شاء الله
أم أسما
أم أسما
soolaf soolaf :
ياعمري إذا هم ساكتين وهم عارفين انه غلط وش دعوة اكيد مايرضون هالشيء على انفسهم... خليك صريحة وقولي لا كذا غلط ومايصير خليك طبيعية مالك الا كذا وش بتسوين او ارفعي كلللللللل شيء واحد من الحلين مافيه ثالث.. الله يريح بالك دمتي بأفضل حال إن شاء الله
ياعمري إذا هم ساكتين وهم عارفين انه غلط وش دعوة اكيد مايرضون هالشيء على انفسهم... خليك صريحة...
أختي الكريمة :

مشكلتك ما لها حل :(

احتسبي الثواب في الضيافة خاااااااااااااصة لو اهل زوجك و خذي لك شغالة باليوم تنظف وراهم و تكنس و تنظم و بس

صدقيني كلنا مثلك و كثير من الحريم يشفون الخراب من عيالهم بعيونهم و هم ما يحركوا ساكن و لا كأنهم عيالهم

ابن صديقتي مو فقط يحوس و يشيل و يحط لا و الله يموت الصغار ضرب و عض و شد شعر و امه حسبي الله عليها ما تبي تزعل ولدها مافي غير عيب حبيبي ما تسوي كذا و الله باشتااااااااط من الغيظ

وفقك الله و دوم بيتك عامر بالخير و الفرح:26: