ماذكر شي ههههههههههههههه الله يسعدك

طبعاً ستي الله يحفظها تحب تربي الغنم

زمان كان عندنا غنم في الحوش

المهم كانت عندنا دكه في الحوش نجلس عليها

التهينا وماندري ال الغنمة أكلت كتاب القراءة والكتابة حقي ,, حق صف اولى ابتدائي

وانا أبكي واجر الكتاب من فمها

والله موقف لا ينسى

ههههههههههههههههه

كان قبل عندي قطوه وش زينها كنت احبها موت..بس سبحان الله ابوي مايطيقها وكل ماتشوف ابوي تنحاش تخاف منه ..فأخذها ابوي مره وانا كنت نايمه مادريت وحطها بخيشه وراح ورماها بمكان بعيييييد عن بيتنا مستحيل ترجع فلما صحيت ومالقيتها وهاتك ياصيااااح فسبحان الله بعد يومين جلسنا بالليل نتعشى بالحوش الا وهي داخله علينا وكلها غبار وصايره نحيفه مرره وصوتها حزيين الا اقوم من الفرحه واحضنها وابوي وامي فاطسين ضحك يقولون ارجعتلك سبحان الله ..بس مستغربه للحين سبحان الله كيف دلت بيتنا وابوي كان راميها بمكان بعيد .

هذا طالت اعماركم
  كان عند اخوالي عشااا وطبعا البيت ساكنه فيه جدتي وحدها وزاروها اخوالي وسوو عشا 
وبعد العشا كلن سرى بيته الا حنا ماما كانت تكرفنا عند جدتي مانروح لين نخلص كل الاشغال الي عندها 
المهم كرفنا وتعبنا الساعه وحده بليل قالت ماما روحو كبو الزباله طبعا المكان ذا ملياان حمير والزباله بعيده رحت انا واختي بابا شافنا من بعيد ولحقنا حنا بس حسينا بصوت مشي ورانا قلنا بس حمار ونجيك راجعين سرعتنا 190 وصراااااخ ماما واقفه تستنانا عند الباب وشافتنا واخترعت وشافت بابا وتاخذ حجار وترميه عليه على بالها حمار مسكون وهو يجري ورانا يقول اوص اوص هههههه بس ياان ماما فقعت وجهه تفقيع
فديتهم
ومره من المراير كنت مرره شقيه واتهاوش مع عيال الجيران ونتضارب ونتكاااعش يكرهوني واكرهم
واطلع اتمشئ ذاك اليوم في الحوش بدون علم ماما وكانو البنات عندهم مزرعه صغيره فيها دجاج مايخلوني ادخل فيها وذاك اليوم قالو تعالي شوفي دجاجنا وادخل ويقفلو عليه الباب وشوي الا حمار يركض ورايه وانا اصارخ وابكي بغيت امووووت جريت جريت لين انقطعت ووقفت خلاص تعبت يوم وقفت مشى الحمار وخلاني هههههه حيوان يسوي اكشن معي 
وسبحان الله من بعدها سرنا صحبات خخخخخ