عن نفسي كرهت الاكل لاني كنت ارجع ع طوول وانتو بكراامه
الحلويات والحلا كرهتهن مررره لين ولدت ..
وحببت الفواكه والحواامض
وجبت بنوته ربي يحميها ويحفظها ..

انا وحامي كان اوله متعب نوم بس وكنت اكره الاكل وريحته طبعا كرهت الحلى الى الان ما اكله وطحت بالشيبسات والمشروبات الغازية والعصيرات والى الان رغم اني صرت اكل الحمدالله بس من فترة للثانية يرجع وحامي وكرهت بيتي وزوجي يوه ايام عصيبة كانت وقالولي حامل بولد الله يجيبه بالسلامة

انا توحمت ع الحوامض و الموالح و الأكل الحار
جبت ولد ربي يحفظه
بس يختلف لان حميتي حامل بولد و تتوحم ع الحلووو و الكاكاو

بحملي الاول والثاني
توحمت ع الحوامض بشكل عام والحار
وجبت بنات ربي يحفظظهم لي يارب
وهالمره ماشتهيت شي معين
بس غثيان مستمر بدون ترجيع وب الشهور الاخيره ع السلطه مع الخل
وقالو لي ولد
بس لسه ماولدت علشان اتاكد😁

عندي بنتين .. توحمت فيهم ع التوت والفراوله .. والحلويات اكلهم بشكل مو طبيعي بالذات الملونه حقة البزران والخرابيط :) شيء مو طبيعي
بحملي هذا .. توحمت ع المالح ما اشتهي اي شيء حالي بس ابي ملح ملح ملح واشتهي ببسي و شبسات بشكل .. وكل الشوكلاتات والخرابيط ذي ما اشتهيها ولا احبها مثل قبل ..
ولا ادري وش نوعه للحين .. يارب يكون ولد صالح متعافي قولوا امين