كل وحده تكتب شو استخدمت لوجها وفادها بجد )))

من العنوان يا حلوات:

اي وحده استخدمت اي كريم او خلطة او جل لو اي شي طبيعي او كيماوي او جربت تقشير ايا كان نوه تكتب فديتكم عن تجربتها,,,,,,,


خلوني اكتب لكم عن تجربتي: :angry:

بالنسبه لي انا بشرتي بيضا وكانت مرة صافيه وبصراحه كنت بس استخدم فير اند لفلي !!!!

وتركته بعد الجامعه وكانت بشرتي تمام مرة احط روب وصندل وثلج او ليموناو اي شي طبيعي

وللاسف صارلنا حادث وصارلي جرح فوجهي وبعدييييييييييييين الدكتور الجلدي عطاني ريتن أ والديكوين
اخلطهم واحطه والحمد لله وبعد كنت استخدم العسل.. ولاني اشتغل كنت اريد حل لوجهي سريع رحت لعياده وسولي عملية تقشير.. وجهي الحمد لله صار احسن وتقريبا رجع طبيعي بس للاسف صارت بشرتي مرة حساسه وهاك ياستخدام واقي الشمس وغيره وللاسف صار حساس وااااااااااااااايد

ومرة استخدمت من المنتدى خلطة فيها كريم دريموفيت هي بصراحه رهيبه واختفت الحبوب بس الكريم خطير وما امنت له وتركتها ورجعت الحبوب.. :icon33:

بعدين اتزوجت وزاد الطين بله اني حفيت وجهي وهاك ياحبووووووووووووووووووب

ما تتخيلوا كيف بشرتي صارت والله حسيت اني بموت - الحمدلله ع كل حال_:(

بعدها صار احسن شوي لاني عطوني لوشن يساعد ع ازاله الحبوب

وبعد خمسة اشهر حملت بنوارتي ورجعت الحبوب اكووووووووووووووووووووام ما تتخيلوا الهرمونات شو سوت بوجهي

انهرت وصرت ابكي وزوجي ياخذ بيدي ويقول ان شاء الله كله بيروح بس صبري .. كنت اسوي بخار وبلا فايده والمشكلة ممنوع يعطوا كريمات فترة الحمل:(

ولدت والحمدلله :icon28:

وصار وجهي تدريجيا يصير احسن.. عطوني لوشن لازاله الحبوب و ايضا كبسولا قوتها 100 غ الدكتورة قالت هذه مثل البنسلين استمريت عليها ثلاث اشهر

وبصراحه تطور كبير بعدها قريت في المنتدى عن جل وحده من الحبوبات كانت كاتبه عنه
هو من نيتروجينا يشيل اثار الحبوب خلال 8 ساعات كتكوت صغييير بحوال ثلاثين درهم وجربته وخذيت الصابونه بعد

يستخدم ليلا فقط وبصراحه مرة فادني والكل صار يسألني فالدوام شو سر الحلاوه والتغيير السريع والحمدلله استخدمته تقريبا شهر ونص وهو بصراحه فادني من ناحية قناع الحمل والنمش البسيط الي باقي :icon28:

والحين جابت لي وحده من زميلاتي كريمين صغار واحد بالليل احطه لونه اصفر والثاني احطه بالنهار ابيض والحمد لله ساعدني ايضا واظنه يبيعونه بالمعارض ومن المنتجات اليابانيه واستخدم معاه صابون ديتول الزرقا للبشرة الحساسة

وع فكره والله فتحت بشرتي حتى زوجي:arb: يقولي انتي شو مسويه بعمرش ما شاء الله واااايد محلوة :icon28:

وااايد فرحت انه الكل ملاحظ وحبيت افيدكم واستفيد منكم بشو تنصحوني عشان اشيل باقي العلامات البسيطة من حبوب الحمل؟؟

اسويلها تقشير كريستالي والا لا؟؟؟؟:angry2:



ادري تجربه طوووووووووووويلة ولكن الحمدلله ع كل حال..