كل وحده تكتب طريقة الكيكه المعتمده عندها .. كيك الشاي

وينكم يابنات

كيكة الزبادي
بالخلاط علبة زبادي وبيضتين وملعقتين وسط بكينج باودر ونص علبة الزبادي سكر وربعها زيت وذرة فانيليا
اخلطيهم عدل
وصبيهم بزبديه كبيره
وبعلبة الزبادي حطي طحين وانخليه فوق الخليط وحركيه جهة وحده
يكون الفرن مولع والصينية مدهونه
حطيها ودخليها وبالعافيه
لذيذة وهشة

جربيها وادعيلي

كوب طحين منخول مع كوب حليب بودره مع ملعقه صغيره قرفه اذا حبيتي

نجي بخلاط القزاز نحط بيضتين مع كاسة سكر ونشغل الخلاط لين ثلاث دقائق طبعا مع فنيلا
بعدين أضيف نص كاس زيت ونص كاس مويه ويخلط تقريبا خمس دقائق
ونسكر

نصب الخليط ع الدقيق والحليب البودره مع ملعقة بكنج باودر وسط

ويخلط بملعقه دقيقتين وتصبينه بصحن الكيك المدهون بشوية زيت

ونكون مشغلين الفرن قبل لازم يكون حار بعد ثلث الى نص ساعه تكون أحلا واجمل كيكه جاهزه

المقادير:
كوب عصير برتقال
كوبين دقيق منخول
نصف كوب زيت
نصف كوب حليب سائل (الصافي المراعي نادك.....الخ)
3 بيضات بحراره الغرفه
نصف كاس سكر ناعم وليس بودره
برش برتقاله كامله مع برش ليمونه كامله
ملعقه صغيره فانيليا
ملعقه كبيره بكنج باودر
____________

الطريقه :
نضع السوائل بخلاط الكاس ونخلطهم ثلاث دقايق
نسكبه على الدقيق وباقي النواشف والبرش ونخلطهم باتجاه واحد
ندهن الصينيه زبده ونرشها دقيق لازم زبده الزيت مايعطي الكيك نكهه حلوه
وبالف عافيه والكيكه هذي كيكه برتقال او كيكه حوامض
هشه وطريه وسكرها وسط مش حاليه اذا تبينها حاليه زيدي نصف كوب سكر
دعوااااتك

الصوص:
عصير برتقاله على النار مع ثلاث ملاعق سكر بودره وننزله بسرعه عن النار ونزين الكيك بعد مايبرد

أنا ماأعرف أسوي كيكة كلها يخرب فماعندي كيكة معتمدة ..