السلام عليكم ورحمة الله
كل عام وانتم بخير ,تقبل الله منا ومنكم ومن كل حاج صالح الاعمال ومغفرة السيئات
يالله يابنات نبي كل وحده منكن تكتب عن مظاهر العيد في مجتمعها اللي تعيش فيه
انا بابدى بمظاهر عيدنا .
مجتمعنا مترابط ماشاء الله ومتفقين على توزيع الاضاحي لمدة 3 الى 4 ايام كل يوم يذبح 4 اضاحي ونتجمع عند اللي يضحون من بعد الظهر نعايدهم ونتغدى عندهم ونسولف ونشر ب القهوة والشاي وبعد العصر نروح نعايد الاقارب اللي بعيد.
اول يوم نتجمع عند الوالده الصباح نعايدها وناكل حلاوة العيد :) ونفطر ومن ثم نعايد جيرننا ونوزع عيدية العيد على الاطفال الى الظهر ثم نروح نتغدى عند جيراننا عندهم العيد:)
ثاني عيد عندنا الاضاحي نرحب بالضيوف ونقهويهم ونبخرهم ونغديهم ونجيب الشاي ,ثالث يوم عند خوالي رابع يوم عند جيراننا .
يعني طوال ايام العيد نقابل اهالي الحي ونتجمع.وان شاء الله يبقى تنظيمنا هذا ومانصير عوائل :( كل عائله تعيد لوحدها . لانه فيه اصوات تنادي بهالشيء بس شيباننا يعارضون هالشيء .
انتظر مشاركاتكن ولو بكلمة شكراً
اميره الورد 2012 @amyrh_alord_2012
عضوة جديدة
يلزم عليك تسجيل الدخول أولًا لكتابة تعليق.
نتجمع باستراحه كل العائله نروح من بدري ويذبحون الضحايا فيها وكل يوم على واحد يسوي ضحيته من او العيد لين ثالث اورابع يوم
مشكوره على الموضوع
مشكوره على الموضوع
موضوعك حلو
بصراحه عيد الاضحى عندنا
اول يوم عند الوالده الله يحفظها
واللي عنده غدا نروح له واللي عنده عشاء
وسوالف ووناسه وكل عام وانتو بخير
بصراحه عيد الاضحى عندنا
اول يوم عند الوالده الله يحفظها
واللي عنده غدا نروح له واللي عنده عشاء
وسوالف ووناسه وكل عام وانتو بخير
الصفحة الأخيرة
في الليل نتعشى براء
وبس بس صراحه نمبسط