يالله قد ايش امي وامهاتكم عظيمات 00 اذا كانت امي نايمه وسمعت صوت احد من اخواني المتزوجين تصحى وتجلس معه وتروح تجهز له اكل تخاف انه جوعان 00 يالله تحرم نفسها النوم والراحه علشانهم 00 امي افضل ام في العالم00

مواقف الام كثيــــــــــره
فيه موقف اذكر ايام ماكنت ادرس بالثانويه امي كانت تحمسنا للدراسه وتقول ابشروا بالهديه لانجحتوا
والحمد لله نجحنا وتخرجنا
وكاانت الهديه ؟؟
انها باعت غوايشها الذهب وعطتنا قيمتها هديه
والله الموقف هذا ماانساه الله لايحرمني منها ويعيني على برها
الف شكر عالموضوع يالغلا ..

الموقف اللي ما راح انساه ابد
انو امي الله يطول بعمرها ويجعلها من اللي يدخلون الجنه من غير حساب .. امين

لما تنازلت عن املاك ابوي بعد وفاته الله يرحمه عشاني انا واخواني
جلسو جدي وجدتي واعمامي يساوموها بالثروه والا احنا وكنا اطفال صغااااار
واختارتنا على الفلوس
من اتذكر هذا الشي افتخر في امي ربي يخليها لي
هذا الموقف والله من يمر على بالي او اشوف كيف عايشين اعمامي بثروة ابوي ابكي على امي تركت هذا الخير عشاني انا واخواني
ربي لايحرمني منها وحسبي الله ونعم الوكيل في اعمامي كان حرقو دمها في المحاكم الله ينصرنا عليهم

دعواتكم بنات الله ينصرنا احنا وامي عليهم ظلمونا كثير

حسبي الله عليهم الله يعوضها بصلاحكم



امي عظيمه وياما ضحت عشاننا مثل امهاتكم وصبرت على الظلم عشانا وعشان ما احد يتولى علينا غيرها



قلبها كبير حيل اذا يوم توفى ابوى بكت عليه من قلب والله احنا عياله ما بكينا كثر بكاها عليه


على قد ما شافت من الظلم والظلايم منه الا ما انسى قهرها على وفاته

الله يعوضها بصلاح اخواني وبرهم وجنه بغير حساب

حبيبت قلبي أمي وش خلت خاصه بعد وفاة أبوي الله يجمعنا وياه بالفردوس الاعلى تحرم روحه من كل شي حتى إحنا المتزوجين

انا ماحب امي الا اعشقة عشق ابدي اموت فيها انا متعلقة فيها

مرة واضغر بناتها وعندي خمسة اطفال ومازلت المدللة والصغيرها في نظرها مهم اكبر لازلت صغيرها بنسبة لها

موقفي مانسهة ابدااااااا

اول مولدة لي البكر راحت امي معي المستشفي من عصر ولا ولدت الا بعد العشاء وكان الجو ممطر

وكنت في مستشفي حكومي مافية ذاك الزود من الاهتمام وكانو فية ممرضات يجوني ويمسحون علي راسي ويرحون لامي يطمنونها

علي لانها برا ممنوع تدخل واتريها كانتت تعطيهم فلوس علشان يهتمون فيني

ولما ولت وهذا الموقف الصعب ودني فوق ومعي بنتي حتي مافية حضانة ولاسرير

وعطوني رضاعة فيها حليب قامت امي واخذت الرضاعة وحطتها في صدرها قمت قلت ليش كذا كيف اعطيها بعدين وكاني متقرفة

فهمتني وكاني اصحي من نوم قالتلي علشان تاخذ حرارة صدري وتدفي ماتشربها البنت وهي باردة

والاسواء من كذا نامت امي في الارض واخذت بنتي جنبها خافت عليها لا انقلب عليها وتموت اوتنكتم والله ان فراشها كان بس بطانية ومافية الحاف

ها وش رايكم في امي ماهي عظيمة وتستاهل اعشقها وياما وياما بس اترك المايك لكم