كل وحده حامل وعندها اطفال اعمارهم متقاربه .. تتفضل عندي شوي

السلام عليكم ياخواتي العزيزات على قلبي ..

اولا ادعو ربي ان يرزق كل محرومه الذريه الصالحه عاجلا غير اجل ...
والى كل أم يحفظ لها عيالها من كل شر ويجعلهم من البارين الصالحين ..

انا حامل في الشهر الرابع قولوا ماشاء الله
والحمد الله راضيه بما قدر الله لي ..
وسبحان الله من يصدق اني عانيت من تأخر حمل 3 سنوات واجهضت اول حمل لي وحملت مره ثانيه بخديج لسته اشهر ..
ومع الصبر والرضاء .. رزقني الله بثلاثه اصغرهم عمره سنه ونصف وأكبرهم 5 سنوات
وبعدها حبيت أاجل الحمل على الاقل 5 سنوات بس أمر الله ..
ودي اعرف من فيكم مثلي .. وشلون نفسيتها بعدماعرفت انها حامل ؟ وكيف الوضع في البيت والطلعات مع المولود الجديد ان شاء الله ؟ وماموقف زوجك ومدى تقبله للخبر
والله يابنات شايله هم ومتفشله ولاني عارفه كيف اتصرف والناس بتسألني ليش حملتي هاسرع وعيالك صغار ماراح يصدقون اني حملت غصب عني مع اني اكل حبوب منع ؟
محتاجه نصايحكم وخبراتكم لا تبخلون علي
تكفون لو كلمه وحده تواسيني ؟
:icon33: تصدقون من فتره دخلت القسم بالغلط وتجيني ذيك النفضه حقت الولاده وتوحشت ودعيت لكل حامل يسهل ولادتها .. وماتوقعت اني ارجع واكتب لكم بعد .. لاتلوموني مانسيت وجع الولاده الى هالحين :icon33:
الله يوفق الجميع ويخلي لهم ربي ماعطاهم