لله يعين الجميع انا وحده من اللي هربت خدامتهم القصه
انها هربت من ثالث يوم وكان ثاني يوم اشرح لها الشغل وهي تقول ايوه ايوه قلت ماشاءالله هذي بتصير تمام المهم سالتني انتي مافي شغل قلت انا في اجازه الحين اليوم الثالث ادورها ادورها مالقيتها
وجلست شهر ورا حقين التسول عشان تطيح من اسمنى وبعد كذا دفعنا 2000 للمكتب عشان تجي وحده ثانيه المهم وبعد ماتعبت من المكتب وهشت عليهم لانها تاخرت ما جت الثانيه جابوا لي وحده اليوم الاول تمام الثاني روعه الثالث قالت ابكلم زوجي لانه هنا يشتغل بس مو عند كفيل قلت يالله كلميه بجوالي ويوم كلمها جلست تصارخ عليه وطلعت عيونها وحمرت وسكرت السماعه وسالتها قلت وش فيه قالت انا ما جيت اشتغل في بيوت انا جايه عشان زوجي وانه قايل لي انتي تعالي وماراح تشتغلين في بيت اظاهر انه مخطط لها نحشه من بيتي المهم اظربت على طول من بعد المكالمه وانا قفلت الابواب اخاف تنحاش زي الاولى ورجعها زوجي للمكتب في نفس اليوم العصر وهذي قصتي مع خداماتي الحين لي 7 شهور ما عندي شئ وانا موظفه ومتبهذله
طولت عليكم وكثرت حكي بس والله من قهري على هالحظ الله يعوضني ويعوضكم بخير منهن قولوا آمين

للمعلوميه كلهم سرلانكيات

شغالتى هربت الله لايوفقها

وهربت في وقت حرررج جدا كنت حامل في التاسع وقبل رمضان :icon33:

وهربت بعد اسبوووع من جيتها

وكانت تسالنى عن حي معين وتسال اذا كان بعييد عنا وانا ماخطر ببالي انها مخططه عالهرب

وبرضوا وانا جالسه عن التلفزيون الاحظ انا كل شوي تمر وتطالعنى كانت تدور وقت مناسب للهرب

وتوى افهم تصرفتها هذى ,,, وفعلا هربت بس مو من بيتى لانى اقفل الابواب بالمفاتيح حتى وانا موجوده

قدرت تهرب من بيت اهلى يوم رحت عندهم استغلت فرصه انشغالنا بالتجمع العائلي وهربت الله لايوفقها

واللي قهرنى انى فتشت شنطتها يوم جت لقيت عندها شنطه صغيره فيها صور وارقام ودفتر

اكتشفت بعد ماهربت انها كانت عامله حسابها وماخذه الشنطه هذى عند اهلى

وتركت بس ملابسها

كانت تدور الفرص عشان تهرب

عشان كذا يالغاليه اذا انتى حاسه انها بتهرب رجعيها زي ماقالوا لك البنات

وريحي راسك من القهر بعدين والله يكفيك شرها ,,

,,

,

الحين ودي ادري مين يلعب بعقووووووولهم ووين يروحون قبل يومين بالضبط هربت شغالة اختي وشغالة امي شكلهم متفقيييين ... هذا وقته اختبارات وغثاء الله لايوفقهم ....

حبيبتي هذولي يجون من بلادهم عارفين كل شي وعهم الارقام وعارفين انه الدولة تاركه للاسف لهم الحرية
مايخااافون
رجعيها المكتب وافتكي ولاتجيبين اندونوسية بدليها بجنسية ثانية