كوبونات الراقية تسجيل الدخول

أم العيال🍭.

كل وحده ربة بيت وسنعه تدخل نتناقش بموضوع هام

التنظيف والتنظيم •

مرحبا حوائيات ان شاء الله هالمره تعطوني وجههههههه:hahaha:
بقولكم نبذه عن حياتي اليوميه واتمنى تساعدوني .......:35:

انا عندي طفليييين سنتيين ونص وسنه ونص:27: و ان شاء الله نونو جاي بالطريق:04: وبيتتتي شقه ثلاث غرف غرفة نومي وغرفه فيها الملابس والعاب عيالي وغرفة جلوس ومطبخ وحمامين .....
و زوجي يروح الدوام الساعه 8 الصبح ومايرجع الا6 المغرب ونسوي غداء مره وحده اللي هو الساعه 5 العصر وبعدها زوجي ليا رجع يتغداء وينام .....ساعه واقعده من نومه.....وعقبها نطلع هذا النظام ايام الاسبوع
وخميس وجمعه بس نفطر الخميس اروح لاهلي والجمعه نطلع نتقضى او نتمشى

وكل هذا وعندي شغاله وماني مرتاحه في بيتي ابد من لبس لزوجي وعيالي بس افكر فيهم ودي انا انظم بيتي لان ودي اقلعها علشان ارتاح

كيف انيم عيالي وكيف انظم بيتي وارتبه لاني جايبه الشغاله فسق بس هم وغم

تجاربكم حوائيات.........:44:
11
1K

يلزم عليك تسجيل الدخول أولًا لكتابة تعليق.

تسجيل دخول

دلووعه موت
دلووعه موت •
والله عندك خادمه ودوام زوجك حلو بالنسبه لك وقت طويل تقدرين تستغلينه بحيث يرجع زوجك وكل شي مرتب وجاهز وزي الفل بس شكلك ماعندك هوس نظام يعني عادي مخليه البساط احمدي
تقدرين تقسمين الشغل للخادمه بشكل جدول بحيث يكون بيتك نظيف ومرتب
وتنظمين وقت اطفالك لانها فرصتك هم صغار وراح يحبون النظام ويتعودون عليه
واستغلي وقتك انتي بالعنايه بنفسك وغرفة نومك وجددي دايم عشان تبعدي الملل
أم العيال🍭.
أم العيال🍭. •
يسلموا حبيبتي
نونو برهوم
نونو برهوم •
ودي اقولك سفري الشغاله واستغني عنها اللي بالساعات بس انتي عندك ولاده وتحتاجين لشغالتك انتظري لاتغيرين شي حتى تجيبي البيبي ويصير عمره سنه بعدها سفريها ورتبي جدولك
أم العيال🍭.
أم العيال🍭. •
مشكوره يالغلا
ندىالمطر
ندىالمطر •
ماشاء الله عليك..

كل يوم تطلعون..!! ما تتعبين من كثر الطلعات ؟!!!

بيتك صغير وبسهوله بتسيطرين عليه اذا نظمتي وقتك..

وما تطبخين الا وجبه وحده باليوم ..يعني المواعين ماراح تتعبك..زي اللي ثلاث وجبات يوميا..

شوفي..

لما يقوم زوجك.. قومي معه..فطريه وودعيه.. وارجعي للمطبخ وغسلي مواعين الفطور..

وشغلي الغسالة على الملابس.. وروقي على النت .. ثم انشري الملابس..

وقومي عيالك وفطريهم و رتبي غرفتهم وغرفتك..ومسحيها واكنسيها..

واغسلي حمامك غسيل سريع..حطي ليفه خلف غسالة اليدين..وبصابون اليدين افركي الغساله..واشطفيها هي والارضيه عالسريع.. ومره بالاسبوع فركي البانيو وامسحي المراية والرفوف وغيره..

والحمام اللي فيه الغساله اشطفيه اثناء غسل الملابس..

ثم خوذي لك غفوة لا تزيد عن ساعة..

والصاله رتبيها الساعة اربع..وابدي بالطبخ..ولما تقصرين عليه غيري ملابسك وتعطري..

وشيكي على ترتيب الصالة و حطي غداكم اذا جا زوجك..

هو يدخل ينام وانتي غسلي المواعين..

وبما انك انتي اللي تغسلين الملابس وتكوينهن..راح تهتمين بطريقة ترتيبهن بالدولاب..

والمواضيع هنا كثييره ..وفيها افكار.. اقتبسي منها وطبقي..

وصدقيني راح ترتاحين نفسيا كثييير..

لأنك ملكة بيتك ما احد يتدخل بشؤنك.. وتلبسين على راحتك..

بس قبل تروح الخدامة خليها تنفظ لك البيت نفظ.. وتحت اشرافك..لأن شغلهن مش حالك..