اشكر كل من دخل وشارك ولي عوده لارد على كل وحده
على راحتي لان بنتي في حظني وما اقدر اكتب بسرعه

هو يعتمد على نوعية أهل الزوج
وكمان زوجة ولدهم
يعني في أهل زوج يتعاملوا مع مرة ولدهم كأنها جارية من سوق العبيد
يبغو يتحكمو فيها زي مايبغوا أكلها لبسها خرجاتها ونومها ويبغوا يعرفوا كل صغيرة وكبيرة في حياتها
وأحيانا لقافتهم تمد لأهلها ومهما تعمل الطيب معاهم ما يبين غير المشاكل إلي تنوبها منهم
والعكس صحيح أحيانا تكون مرة الولد لئيمة وغيورة وحسوده وتبغى تستفرد في زوجها وتبعده عن أهله و أخواته ياكافي
وأحيانا تكون مشحونة من وحده من صديقاتها أهل زوجها مطلعين لها نخل في راسها من مشاكلهم بس مو قادرة عليهم
فتشحن قلب صحبتها على أهل زوجها وهي لسه ماشافت منهم لا خير ولا شر
ومهما أهل زوجها يكرموها ويحترموها ما يبين في عينها
لكن أشوف الأفضل إنها تسكن في سكن منفصل عن أهل زوجها تجنبا للمشاكل ولراحة الطرفين...

أنا من رايي على حسب طبيعة البنت وعلى حسب حمولتها يعني فيه وحده طيبه بس انها تحب الخصوصيه وأهل زوجها العكس يحبون يتدخلون في كل شي وفيه ناس العكس الحموله طيبه والبنت شرانيه وراعية مشاكل وفيه كلهم شرانيين وفيه كلهم طيبين يعني على حسب الطبايع والمفروض الوحدة ما تدخل الشيطان بينها وبين حمولتها وتخلي الله بين عيونها لا تظلم ولا تسبب مشاكل والله ما يضيع شي بمعنى كل شي راح يرد لك ان كان خير خير وان كان شر شر وأحسن شي ان الوحده تطنش ما تخلي كل شي على بالها وان صعب عليها تحاول باللي تقدر عليه

احس هالموضووع لو اكتب فيه من اليووم الى بكرره ماخلص الكلام اللي عندي .......

لكن راح اختصرره .....

انا كنت عايشه مع اهل زوجي اول ماتزوجت وكانت حياتي جحيم في جحيم ... وتدخلات وربي بغينا نتطلق والسبب تدخلات الام في كل صغيره وكبيره .... وكذلك بناتها اللي يحنون على راسها ...

يعني كانت حياتي جحيم على قهرر بمعنى الكلمه سببت لي عقده لدرجة اني كرررهتهم .....

بنينا لنا شقه فوق في الدور الثاني ... وسكنا ..صدق ارتحت لكن بشكل نسبي ... يعني وراي وراي ..

وربي اني طيبه مش امدح في نفسي ... يعني لو جاهم خير مني ماجااهم شر مني ....


عقدووني حبسي الله ونعم الوكيل


القهر انه ام زوجي كل بنت لها تزوجها تشرط شقه لها .... واولادها لجات تزوجهم تقول ماافيه شقه ...


الله ينظر لي يااربي ويريحني .....

الله يعلم انه حتى ولدهم مابي اقطعه منهم هو ولدها وماجابته اليوم الى بكره وانا احثه على صلة اهله .... لكن ليه كل حاطين دوبهم ودوبي ...!!!

انا في اول زواجي عشت و يا اهل زوجي شي اكيد كان فيييه خلافاتتتت فوق ما تتصورون ... خواته طبعا لدرجة انهم طردوني من البيت بس انا كنت اصبر عشاااان زوجي و الياهل اللي في بطني واقوووول بعدهم ما عرفوني عدل ......
هم كانو يغارون مني بدرجه فضيعه و السبب ان زوجي قبل لا ياخذني كان واااايد معاهم ايطلعهم السينما و الكوفي شوب و ها الاماكن بس من عرس صار ما يطلعهم و تكلمت ويااااه و حاولت افهمه اللي يسويه غلط لانهم راح ايتحروني انا السبب وبيكرهوني لدرجة اني تزاعلت وياااه اسبوع بس مااافيه فايده
المهم

صار لي موقف كبير مع و حده من خواته كانت تسبني و تقولي كلام غريب عجيب ..... بس اللي قهرني انه دخلت اهلي في الموضوع و انا ما سكت عنها لاني ما ارضى على هلي و هذا شي طبيعي
دخل علي زوجي الغرفه و شافني اصييييح و سألني شو فييييج ما رديت عليه لاني اعرف انه اذا عصب ما بيرحم احد المهم طلع من الغرفه و درى عن السالفه من اخته الصغيره على طووول سار الغرفه و ضرب اخته وشي اكيييييد 100% بيقولون مرته اللي دزته
و تمينا ما انتكلم مده طويله ..... وفي يوم من االاياام سألت عن اخته اللي تهاوشت وياها وقالولي انها مريضه الصراحه كسرت خاطري قمت سويتلها شوربه و عصير وسرت لي غرفتها و عطيتها اياااه اهييي انصدمت من ها الحركه و احسها انها انحرجت واااايد المهم قلتلها سلامتج و ما تشوفيييين شر



شو تتوقعون صاااار ثاني يوم

يت لي عندي و حضنتني بقوه و قالتلي سامحيني ما قصدت شي و من ها السوالف و انا بعد قلتلها نحن خوات وما بينا شي ... ومن هااااك اليوم اتغيروو كلهم للأحسن ويااااي و صارو ما يستغنون عني لدرجة انهم يشاوروني في كل صغيره و كبيره حتى في اللبس ... هذا غير الهداياااا اللي كل يوم توصلني
و الاهم من هذا كله اني كبرت في نظر زوجي .... و اهله اللهم لك الحمد و الشكر
انا احين منفصله عنهم بس ازورهم دايما وما اقطعهم ابدااااا ....و اتصل في ام زوجي و ابوه يوميا اصبح عليهم وهم نفس الشي .... و ام زوجي اللي هي امي ...... احبهاااا وااااايد و حاطتها في عيوني و ع راسي صح انها ااتدخل في بعض الاحيااان بس انا راضيه بها الشي لانها ام زوجي و لها حق انها تخاااااف و تحاتي ولدها ... لانها هي اللي حملت و تعبت فيييه وسهرت عليييه وربته وكبرته .... يعني لو شو ماصار ما راح اقدر اسوي اللي هي سوته .... وزوجي متعلق بأمه وااااايد و يحبها و ما يرفض لها اي طلب و انا مستانسه من ها الشي
لأن اللي فيييه خير في هله راح ايكون فيييه خير لي انا و الناااااس و احب اعياااالي ايعاملوني بنفس الطريقه و مستحيل بيوم من الايااام اني اضايق منهم لانهم صاااارو هلي مني وفيني ....ومستحيل اني افرق او اخلي الشيطااان يدخل من بينا .....
و احين زوجي طلعت له ارض جنب اهله و قلتله خلينا انضم ارضنا وياااهم و يكون البيت سور واحد
حلو ان عياااالي يتربووون وسط اهلهم .....

و نصيحه مني لكم عشان تضمنوون سعادتكم ويا اهل الزوج .... لا تنتظرون منهم اي شي خليكم دايما الاحسن و لا تعاملوهم وحده بوحده لان في النهايه انتو اللي بتخسرون