مرة زوجي طلب نفس الطلب رفضت


حتي ابو زوجي طلب مني رفضت. بكرا الاولاد يكبرو و تصير هوشة. البعد أبرك.
ما احب لا بجوار اهلي و لا بجوار أهل زوجي


موفقة

مانصحك خليك على راااايك
نصيحه خليك على رايك
وربي ريك راح ترتاحين طول العمر


صدقيني
يقولون (خلك بعيد حبك يزيد)
ويقولون
(كثر الخطام يعمي العيون )


والله انك بخير الحين خليك على وضعك ذا لاتغيرينه

اكبر غلطه سويتها في حياتي يوم سكنت في الدور الارضي تحت اهله
كان لي مدخل مستقل وحوش بس اقسم بالله ماسلمت منهم وانفضحت بسببهم
وكل حركاتي مرصوده حتى المقاضي او شغاله تجيني بالساعه حتى صوت مشاكلنا
يسمعونه ويتكلمون فيها ومره رجعت من الجامعه مع صاحبتي لان زوجي تاخر علي
ورب الكعبه انهم لطلعوا علي كلام اني فين كنت ومن هذي
وطلعت بعيد عنهم لكن بعد ايش بعد الفضايح والمصايب
احذري تسكنين معهم كل الحذر

احس اذا البيت كبير وشرح ويكون لي مدخل خاص وكل شي خاص ليش لا مرره حلو

وعلى فكره يتدخلون في تربية عيالك
كانوا ياخذون اطفالي عندهم بحجة ان اجدادهم يحبونهم
ويضربونهم عيال عمانهم وانا اشبع قهر. وفي شي مهم جدا
كنت لمن اعزم صاحبتي او اختي لازم ادعي عمتي تجي ولا تزعل
وياويلي لو جت اختي وسويت عشا ولا دعيتهم. باختصار مافي استقلاليه
نهائي والله لو تنزلين بيتك ببرشوت انهم ليشوفونك،،