فال حبيبتي ..مانتي ثرثاره بالعكس تمنيت اكثر تفيديني من خلال خبرتك وقراءاتك في التربيه ..بالنسبه للاكل في الاونه الاخيره صرت مثل ماقلتي مانعتهم من الشيبس الا قليل مره ..والحلويات كذالك قليل لاسيما هالفتره مخففه اكل واكلنا اغلبه صحي ..الحين ثنتين وانا كذا بالذات الصغيره مادري عكس اختها ..لااا والقهر دايم تصيح تبي اخو ..وزوجي كذالك يبيني احمل والوضع الي عايشته مو مشجعني ابد ..رغم ان تجيني افكار اقول يمكن تعتدل شوي الصغيره اذا شافت طفل ويمكن الغيره بين البنتين تخف ويتقربون اكثر من بعض ..مادري شنو اسوي ..شفتي طلعت من موضوع التربيه الى الحمل انا الحين صرت الثرثاره ههههههههه

شوفي شكل شخصيتك ضعيفه وبناتك مستغلين ضعفك وعارفين
كيف يمسكونك من اليد اللي تعورك
علشان كذا اْنا بنصحك نصيحه
تصرفي مع بناتك بالحيله وباْسلوب ذكي طبعا انتي بتقولين كيف
حيلتك انو تعوديهم تحكي لهم قصه القصه هذي تكون من تاْليفك
يعني تقولين فيه ام مسكينه عندها اولاد متعبينها مايحبون يشوفونها مرتاحه و مايسمعون كلامها ومن هالحكي
لاْن الطفل ذكي ويسمع النصايح بطريقه غير مباشره من القصص
يعني باختصار ربيهم عن طريق القصص
حاولي تجيبين لهم شخصيتين وهميه في قصصك وتكون هالشخصيتين محبوبتين من امهم وابوهم وفي المدرسه ومن الناس
يعني مثلا فاطمه تحافظ على صلاتها وتسلم على ابوها لما يجي من الدوام وتبوس راسه ويده وكذا يعني ربيهم على القيم من القصص
وراح يتغيرون كثير
وعطيني اخبارك اذا نفعت الحركه معك

الله يوفقك أختي همسه وأنا والله أشوفك منتي مقصره بشي بس مثل ماقلتي أن أبوهم يدلع وقت الجد ويخاصمك قدامها هذا كله يهدم كل اللي تسوينه ..أدري أنه طيب لهم ومايتحمل زعلهم بس مو وقته .....أنا من رأي تتفقين مع زوجك لازززم تتفقون ولعلمك ترى الطفل ذكي مررررره ....
..ياكم كنت أكلم زوجي أنك تأيد كلامي وقرارتي وأنا نفس الشي ... حتى لو ماكنت راضي ....قولي كلنا نحبهم نفس القدر وتربيتهم واجبه وهذا يرجع بصوره ايجابيه لعلاقتنا مع بعض ..
فيه من ضمن ماكنت أقرا أنه لما تشوفي الطفل معصب وزعلان ويصارخ وفي حاله هيجان ...تروحين تضمينه بقوووه وتذكرين ربي وتهللين وتسمين وتقولين ياربي تهديه ....(مجريتها ) والله كنك صبيتي عليه موية بارده .. واستغلي فرصه لما تشوفين طفل يبكي قولي لبناتك شوفوا وجهه هو يبكي موحلوو ياربي صوته مزعج .
ولما بنتك تعصب وتصارخ صوريها او وهم يتضاربون صوريهم بعدبن و بعد مايهدوا قولي بوريكم شي وانتم قولوا لي صح أو خطا ..وخليهم يشوفونه ... (مجربتها )

و إن شاء الله فتره ويتغيرون ونصيحتي لك ابحثي في اساليب التربيه والعقاب والحوار للأطفال ..
والله يوفقك ويسعدك ويهديهم أما مسأله الحمل ماأشوفها مناسبه في هالاجواء دامك تكونين معصبه وهذي تأثر على نفسيه البيبي وبيطلع معصب ...


تذكرت نقطه وانا خلاص بضغط الايقونه أضف رد .......(من ناحيه الصلاه صلاه الجماعه مع بناتك جدا رائعه منها تعلمينهم طريق الصلاه الصحيحه وحتى لوترفعين شوي صوتك وانتي تصلين عشان يعرفون وش يقولون ) والله كنت أصلي صلاه الفرض وصلاه سنه اصليها مع عيالي وأقرى بصوت عالي التسبيح والدعاء ......

الف شكر لكم
فال حبيبتي الله يجزيك كل خير .. بالنسبه للصلاه اسوي مثل ماقلتي ..
بالنسبه للاتفاق مع زوجي حاولت لكنه ضعيييييف تجاه الصغيره مرره حتى يضغط على نفسه عشانها ..احاول مره ثانيه نتفق ونوصل لحل ..الله يهديهم يااارب ..والله يوفقك حبيبتي

بنتك الصغيره خليها تركب وراء خليها تبكي مره 2 3 4 لما تتعود وبعين ماهي صغيره عمرها 4 سنوات ماشاء الله الله يعينك