موضوع حلو تقريبا تشابهة عاداتنا مع اخواتي اللي قبلي خطبة تكون بطريق الامهات يعني مكالمات حريم اذا شافت ام المعرس الام ماعندها مانع جاء الولد واهلة يكلمون ابوها ويتفقون وبعد كذا تجي الملكة اما يشوفها هنا الاختلاف كلش مايشوفها هو وحضة شختك بختك هههههه لا اكيد الولد يثق بكلام امة واخواتة وووصفهم علي فكرة احيانا تصير انة يشوفها ولكن مو الجميع نسبة قليلةمن الناس وبعدين يبقي علي المعرس كل شي العروس بس عليها تجهز عمرها والمهر عندنا الغالب من السبعين وفوق ..................اللة يعين الرجال فقرناهم
ودامت افراحكم

مشكوره كل من الاخت جنونة العالم و قيتار واتمنى المزيد يا حلوات .............

حبيت ارز وجهي معكم
حنا عادي مثلكم تقريبا<< جايه من المريخ الاخت
طبعا طبعنا الشرقاويين يعني اهل الشرقيه الاغلب وليس الكل
يجون الحريم اول شي يشوفون البضاعه خخخخخخ اقصد العروسه واذا عجبتهم
يجون بعدها الرجال يخطبون رسمي ويتقهون ويتفقون الرجال على وقت الملكه
وبعدها يحدد يوم الملكه تتجهز العروس بحفله كامله تكون على اهل العروووووس طبعا وغالبا تكون عائليه يملك بالعصر وباليل الحفله ويسلم المهر وقت عقد القران وفي وقت الحفله تقدم الشبكه ويكون طقم كبير من الذهب والبعض يكون الماس ومعه الدبل ومعه القهوة او حبة الراس الي يهدا لام العروس

وبعد الحفله وبعدها بشهر او شهرين بالكثير يحدد مو عد الزواج
وطبعا قبل الزواج باليلتين يكون يوم الحنه حفله عائليه دايما احنا نعملها بالمزارع احلا وتكون العروس لابسه ثوب النشل الاخضر وطبعا بدون ميك اب عشان العرس قريب
ويجبون المحنيه ويتحنا الجميع من العجوز الا البنت الصغيره
وبعدها اليله الثانيه يوم الغسول او ترويشة العروس وحتا المعرس ياخذونه ربعه للحمام الخاص ويسبحونه ويجهزونه يطلع يلق ههههههههههههه
والعروس تروح للمشاغل للحف والتنضيف الجسم كله وبعدها حمام بخار وسونا والخ
ويجي يو الزواج ويكون حفله من اهل المعرس طبعا
هذي اغلب عوايدنا

نحن طبعا تكون الخطبه عند الحريم وبعدين اذا تمت الموافقه ايون الرياييل وويخطبون وما في عدنا تحديد المهر ... لانه مثل ما قالت اختي اهلينا يبون الريال الي يصونها وبعدين عييب ... بس في الغالب يكون مهر العروس 100-120 وحد أكثر وحد اقل على حسب ميزانية الريال ومن غير ايبون الذهب والزهاب ويملجون قبل العرس بفتره بسيطه . وفي الغالب قبل العرس بسبوع وطبعا لازم نسوي غدا نوزعه على يران المعرس والعروس قبل العرس بيومين تقريبا ... يعرسون واكيد كل هلمصارييف على المعرس حليله ويتعرفون على بعض في شهر العسل ... هب كل العوايل نفس الشي مثل ما قالت الاخت البدو غير والحضر غير ... وعدنا بعد لطباع في الاعراس غيييييير تماماً :)

مشكورين على الردود الي احسن من رائعة