السلام عليكم ورحمة الله وبركاته
اخواتي وحبيباتي بقولكم قصة بنتي عشان تنتبهون لعيالكم
بنتي عمرها سبع سنين ماعندي إلا هيه وولد عمره تسع سنين بنتي ماشاء الله تبارك الله جميله جداَ بشهادة الجميع وانا مدلعتها مره ومهتمه في لبسها وشياكتها بدرجه كبيره لدرجة إني كل مارحت لأحد يصورها أو يسألوني من فين تجيبين ملابسها وبعض الناس يتكلمون علي يقولون لاتبالغين في لبسها كثير الناس ماترحم ولكني كنت أسمع من إذن واطلع من الثاني الين جا هذاك اليوم اللي تشنجت فيه بنتي وانقطع نفسها وطلع من فمها زي رغوة الصابون يعني ماتت انا انجنيت وابوها طار عقله شليناها وعلى المستشفى على طول أعطوها أبرة تشنج ودخلوا ليات في خشمها وفمها يشفطون البلغم والرغوه اللي طلعت وبعد ساعه قامت الحمدلله لكن موبنتي الاوله كل شوي تفز من مكانها وتخاف تقول حرامي يخوفني
سوولها تخطيط على المخ واشاعات وتحاليل وقالوا كل شي سليم بس أرقوها وديناها لشيخ قرا عليها فتره وقال لاتبالغون في لبسها وقصوا شعرها على فكره شعر بنتي كان لأخر ظهرها
المهم إنها باقي تتعب والله ماتنام الليل كل شوي تفز من نومها تقول حرمه تلحقني وعنكبوت ففراشي وحنش نايم جمبي وهذا إحنا مستمرين على الرقيه وأسأل الله لها الشفاء
أدري إني طولت عليكم بالكلام بس والله لإني خايفه على عيالكم بعد اللي شفته في بنتي الله لايوريكم اللي شفته وتكفون تكفون لاتنسون تحصنون عيالكم في كل وقت الله يحفظهم لكم
أخيراَ أتمنا من كم تدعون لبنتي ربي يشفيها ويعافيها ويخليها ليه تكفون أدعولها إحنا في أخر ساعه من يوم الجمعه والدعاء مستجاب في هذه الساعه لا أراكم الله مكروه في أطفالكم أميييييين
وسامحوني ع الاطاله
ام تركي ورؤى @am_trky_oro
عضوة نشيطة
يلزم عليك تسجيل الدخول أولًا لكتابة تعليق.
حلوه أنا
•
الله يشفيه يخليه لك يارب
الله يشفيها يااارب ويعافيها
والله ان الناس مايجي منهم خيرررر حسبنا الله ونعم الوكيل..
والله ان الناس مايجي منهم خيرررر حسبنا الله ونعم الوكيل..
الصفحة الأخيرة