كل وحده متزوجه تجاوبني الله يوفقها,,,

السلام عليكم اخواتي..
صراحه هذي اول مشاركه لي هنا
واتمنى من كل قلبي انكم تساعدوني
او بالاحرى تساعدون صديقتي..

انا من الرياض وساكنه جده من زمااان <=من سألك طيب

بس المشكله مشكلة صاحبتي مو مشكلتي...
صاحبتي مررررره محتاره ومتضايقه من حاجه في زوجها
تقول انو في كل ويك اند لازم اجباري تروح لاهلها
عشان على كلامو هو ياخد راحتو مع اصحابه في السهره
ولا يشيل همها لانها في البيت لوحدها
مع انها ساكنه مع اهله في نفس البيت بس بينهم باب
تسالني تقول هل هذا طبيعي او لا؟؟
وهل ممكن تتعدل حالته؟؟
وهل تسمع كلامه او تعارضه او ايييش؟؟
يعني كل ويك اند رح تكون محرومه منه ومن بيتها كماااان
لانها خايفه يكون مل منها او يكون طفش منها او حاجه زي كدا
بس هيا شاكه في كلامه انو السبب عشان ياخد راحتو بس
تقول انا حاسه انو فيه سبب ثاني
بس مرررررررره محتااااااااااررررررره
وعلى فكره هيا لساتها متزوجه من عشر شهور يمكن

انا ماقدرت اجاوبها لان انا حالتي غير وشاذه برضوو
عشاني ساكنه بعيد عن اهلي
قلت مالي الا بنات حواء أسألهم وهم يفيدوني عشان افيدها ان شاء الله
فـ اللي حالتها زي حالة صاحبتي تجاوبني بليييز
وابي كمان كل وحده تقول لي رايها في هالمشكله

والله يارب يوفق ويسعد كل وحده تجاوب وينولها اللي في بالها ياكريم..