كل وحده متنفسه بيته او تنوي النفاس بيته رجاء الدخول

والله انك صادقة يا نور الليل بكلامك بس الضرورة احيانا تجبرنا على كذا مثلا انا ولادتي بتكون على بداية الفصل الثاني واهلي بديرة غير يعني لازم هالمرة اجلس ببيتي عشان عندي عيالي يدرسون وطبعا ابقدم على شغالة وادربها على الطبخ وعيالي الحمد لله كبروا شوي يعني ممكن يساعدوني اصغر واحد ابو اربع سنين
والضيوف تعلمين الشغالة على كيف التقديم وش تحط وطبعا قبل ما يجون تدخلين معها وتقولين لها متى تجيب كل شي..
وزوجي ماله شغل فيني ولا لي شغل فيه اكله وبيجيه وملابسه تغسل وغيره وش يبي..
وبالنسبة لغثا الاولاد ممكن في الايام الاولى وانتي تعبانة ياخذهم ابوهم العصر شوي يمشيهم وترتاحين ولو زارك احد بعد..امم وش بعد ما خليت شي..
الملل ممكن تنادين الجيران والاهل القرايب مرة.. يجونك دايما يوسعون صدرك وبالنسبة للزوج اذا بقى اسبوع عليك روحي لاهلك او خميس وجمعة وجددي شكلك مرة وحدة وخلاص والله يسهل على الجميع..

انا ان شاالله بروح لبيت اهلي مع ان ولادتي على وقت روحة شغالتنا الله .............بس بجيب لي شغاله موقته وحتى والله امي ماتحب الناس الداخله والطالعه كثير واخواني متعبين بس لا والف
لا اني انفس عند زوجي شهرين عند اهلي وبعده اروح لزوجي مثل العروس والله يابنات سوو كذ ا اذا
خلص الاربعين روحي المشغل سوي شعرك ومكياج ناعم ولبس حلو فيه حركه ولمعه ومن ذا
الشغلات وخذوا ليله في فندق وشوفي زوجك والله يتغير 180 درجه احس لك بدل مايدور زوجه جديده
طولت عليكم وش رايكم .....................................................................
اختكم ام عبدالله:26:

مشكوره يالهف نفسي
مشكوره ام عبودي حياتي
على ردودكن
بنات ابغ تفاعل اكثر الله يخليكن

بالنسبة لي انا نفاسي كان في بيتي احس ان الوحدة ما تاخد راحتها عالاخر الا في بيتها و في هالفترة تحتاج تكون مرتاحة جسديا و نفسيا.

والله محتاره.. في البيت اريح للعيال مايتلعوزون واغراضهم ومدارسهم ونومهم
وبيت الاهل الدلال كله والوناسه والراحة..؟؟!!