حابه نساعد بعض وندردش شوي ونستفيد من بعض
اللي عمر زواجها 9 سنين فأكثر كيف الروتين والملل؟ كيف تغلبتي عليه؟ كيف تجذبين زوجك لك زي أول سنة؟
من جد بنات ابغى استفيد منكم متزوجه من 9 سنين وعندي 3 أطفال سارقين وقتي مرررره هذا وفيه فرق بالعمر بينهم تدريس وشغل بيت وطبخ وأحاول اهتم بنفسي قد ماأقدر بس تعبت
ودي أسافر أنا وياه بس ماعندي أحد احط عيالي عنده أمي كبيره فالسن وأخواتي كل وحده في مدينه ودي اروح دورات وابعد عنه بس أطفالي فين أوديهم
غير كذا التغيير فالشكل إيش تسوون؟ أحس الزوج خلاص يتعود على شكلك ماعاد يحب يطالع كثير :dry: يعني لو يحبك خلاص تعود على ملامحك وحفظ شكلك حفظ
كل وحده تقولنا سرها مع زوجها وكيف كسرتي الروتين وانعشتي حياتك الزوجية
أنتظركم:pinklove2
دمــــوع الــــورد @dmoaa_alord_11
كبيرة محررات
يلزم عليك تسجيل الدخول أولًا لكتابة تعليق.
الصفحة الأخيرة
اذا غرفة نومك قديمها غيريها
نظمي اوقاتك مع اطفالك وانزلي السوق مع اي وحده من خواتك وغيري ستايل اللبس
اطلعي مع زوجك كوفيهات
سافري مره بالسنه لمنطقه قريبه لكم انا من الرياض كل سنه والا سنه ونص نروح للخبر نستانس ونرجع
وكل سنتين والا ثلاث اروح اخذ عمره
وتغيير مفارش غرفة النوم كل فتره
تغيير نوع الطبخ
الاهتمام في زوجك وتخصصي له وقت انا انوم اولادي بدري ونجلس مع بعض ساعتين قبل النوم نتهاوش نتناقش والا ادلع فيها
اذا في صور لاولادك في غرفة نومك طلعيها برا
لان هذي غرفة نوم وحميميه مو ذكريات عائليه ما انتي محتاجه ان احد يذكرك انك ام في غرفتك
وتدلعي على زوجك
غيري لوكك
قصة الشعر
سجلي في نادي والله اجواء النادي جدا ممتعه ومفيده لك نفسيا وبدنيا واجتماعيا
اذا زوجك طيب نسقي لك وقت وسجلي مو شرط للنحافه للاستفاده من الجو العام والاريحيه وكل الموضوع ساعتين
يوم اي ويوم لااا
واشياء كثيره ممكن تسويها في حياتك مثل القراءه
حملي الكتب من النت واقري
كل مره عن شيئ
تعرفي على صديقات جديدات لو من النت
تغيري معهم وتتعرفي على عاداتهم وتستانسي معهم
يضيفون لك وتضيفي لهم
واذا انتي ما كملتي دراستك وظروفك تسمح كمليها
ابحثي عن الوسائل اللي تسعدك وبتلاحظي كيف يتغير الجو العام
وهذي تجربتي انا لي 13 سنه متزوجه والحمد لله
انا انسانه مو روتينيه وكل مره بمزاج وما بقيت شيئ ما جربته
واموت في التجارب
فيها الصالح ومنها الطالح خخخخخخخخخ
بس المهم اننا نجرب ونجدد ونغير وكذالك اطلبي من زوجك
انو يتغير
اعطيه قائمه بالاشياء اللي نفسك ان زوجك يسويها
صارحيه
وقللي عليه
كل مره اعطيه خصله خصلتين
لحد ما تتغيروا انتم الاثنين
لان التغيير مطلوب منكم انتم الزوجين حتى تحسوا باللذه والتجديد