يابنات والله خوفتوني وانا اللي اتمنى هالوظيفه واحلم فيها واحس انها مريحه احسن من المرمطه مع الطالبات والدرجات والتصحيح والشرح والتحضير..
والله اني اقول اذا جتني وظيفه تعليميه راح ارفضها حتى تجيني اداريه لو اجلس سنين..
والحين خوفتوني والله منتهى الذل تهينك معلمه وتقول قومي نادي فلانه وانتي جامعيه زيك زيها وربي ماارضى كذا
هذا غير المهام اللي على راسك وهي ليست من مهامك وغير الكرف اللي قلتوه يابنات وربي خوفتوني من هالوظيفه كرهتها ...


دعواتكم لي بالوظيفه المناسبه اللي تفرحني وتناسب شهادتي
الله يوفقني واياكم يارب
وان شاء الله تتحدد مهام الاداريه ويتخلصون الاداريات من الظلم 

لا من جدهم ايش العشوائيه مافهمت شيء لما اقرأ المهام واخلص القى فاتحين قوس وكاتبين مساعد اداري ومدخل بيانات ووكيل ومستخدم وتحتها مهام ابي افهم لمين فينا هالمهام ومن اللي بيوزعها ليش مو كاتبين المهام لكل واحد بلحاله وشفتو اخر شيء ايش كاتبين والمهام التي تسند اليه يعني نفس المعاناة بيد المديره تتحكم فينا لا حول ولاقوة الابالله

والمهام صراحه لاتعليق نفس التشتت والعشوائيه مفروض يكون مجالنا معروف وواحد يعني اما شيء يخص معاملات الاداره وبريدها والرد عليه او الطالبات وملفاتهم والاشراف عليهم من غياب وحضور واوقات الفسحه والصلاة مو كل شغله بجهه الله يعين اداره فاشله مو معطينا حقنا احس بتحقير صراحه في هالوظيفه احس اني خدامه للمديره مافيه احترام لنا ولشهادتنا

بنااات الله يعاافيكم عندى سؤؤال هل منكم احد انتسااب واترشحت ادارى وهل الادارى له نقاااط وهل فيه احد منك لهااا ثلاث اواربع سنوات متخرجه واترشحت الله يبارك لكم فى هالوضيفه وييسرهااا لكم وان شاء الله تتحدد مهااام الادارى

هلا اختي الفراشه الحلوه
انا منتسبه وتعينت مساعد اداري ومن الخريجات القديمات 
يعني بعد الصبر والانتظار تجينا وظيفه عايمه وفظفاظه مالها حدود مين يصدق ماندري وش بنشتغل السنه الجايه على كيف المديره والمشرفه الاداريه
حسبنا الله ونعم الوكيل