هنبدا باول حاجه واهم حاجه لازم تعرفيها احنا ليه بنغسل المواعين
هقولك علشان اولا نلاقى حاجه نضيفه ناكل فيها ثانيا بقى علشان ميبقاش شكل المطبخ وحش من كتر الحاجات اللى مش نضيفه وثالثا بقى واجب لابد منه هههههههههه
طيب هقولك شويه حاجات لو حطتيها فى دماغك غسل المواعين هتبقى فيه شطووووووووووره اوووووى
1_ وانتى داخله المطبخ تسمى تقولى بسم الله الرحمن الرحيم هتلاقى والله كل حاجه بقت سهله خااالص وانتى داخله تغسلى المواعين او عموما تعملى اى حاجه تبقى نيتك انه لله ودى حاجه مهمه اوووووووووى يعنى انتى بتغسلى المواعين لله علشان اهل بيتك يلاقوا حاجه نضيفه ياكلوا فيها ولما ياكلوا هيقدروا يعبدوا ربنا
وبكده هتاخدى ثواب
واول حاجه تعمليها قبل ما تبدأى فى المواعين تدهنى ايدك كريم مرطب وتلبسى جوانتى اللى بتروقى بيه الى بيبقى بلاستيك علشان اديكى مش تتأثر بالسائل
وده صورته
نيجى بقى لغسل المواعين اهم حاجه يا حبيبتى متكوميش المواعين فى الحوض لانه هيبقوا شكلهم وحش اووى وهيجيبولك اكتئاب اول ما تدخلى المطبخ المهم اول ما تخلصوا اكل
الحكايه دى بعملها كل يوم لان عيلتنا ما شاء الله 7 افراد فيعتبر احنا كل يوم عندنا عزومه
تجيبى طبق كده كبير بلاستيك تبقى شارياه علشان تحطى فيه الاطباق بعد الاكل وطبعا بعد ما تحوشى منهم فضلات الاكل
وده علشان لما تدخلى المطبخ تقومى حاطه كام نقطه فيرى او اى سائل اطباق وتملى فوق الاطباق مايه دافيه علشان تفتت الدهون اللى فى الاطباق لو كان فيها اكل دسم ومدهننه لو بقى بيض او جبنه او مربى مثلا هنبقى مش محتاجين الخطوه دى
وتدخلى انتى بقى المطبخ تشوفى لو فيه حله رز لازق فيها رز او مكرونه او اى حاجه تقومى برضه كام نقطه فى كل حله وتمليهم مايه شخنه جدااااااا لانها برضه هتفتت الدهون مع السائل وكمان لو فيه حاجه لازقه هتلين خاااااااالص لو بقى تيفال مش هتحتاجى الخطوه دى
والحلل دى متحطهاش على الحوض علشان متزحمش الدنيا لا هتحطيهم قريب على البوتجاز على المطبخ لانهم اخر حاجه هتتغسل
والطبق برضه البلاستيك الكبير يتحط على المطبخ
المهم دلوقتى بقى الحوض فاضى قدامك وتماااام تقومى انتى بقى لو عندك كوبايات او كاسات محتاجه غسيل تتغسل الاول لانها بتبقى انضف حاجه
المهم الخطوه دى بقى حلوه اوووووووى تجيبى طبق كبير بتاع الاكل وتخصصيه للغسيل وده بقى مع كل مره هتغسلى مواعين هتحطى شويه ضغيرين اووى من سائل الغسيل وكل ما كان نوعه حلو كل ما الكميه تقل يعنى انا بستخدم فيرى بحط شويه صغيرين ونملى بقى الطبق مايه بس يعنى انتى زى ما شايفه لو لقيتى المايه كترت هتزودى السائل
وتجيبى بقى الليفه بتاع المواعين وتغرفيها فى طيق السائل وتغسلى الكوبايات والكاسات وهتحطيهم على صفايه الكوبايات اللى بتبقى زى دة كده
وبكده هتبقى خلصى من الكوبايات وبرضه هتحطيها بقى فى حته بعيده علشان متقوعش او تلخمك
وتجيبى بقى الطبق البلاستيك الكبيراللى كنا ناقعين فيه الاطباق وتكبى المايه اللى فيه وهتلاقى الاطباق بقت قشطه يا دوب هتغسليها بالليفه وتغسليهم كلهم ورا بعض وتحطيهم فوق بعض ولما تخلصى غسيلهم كلهم تشطفيهم وهتبقى برضه فله شمعه منوره
وهتروح جمب اخواتها الكاسات على الصفايه
نيجى بقى للحل اللى كنا ناقعينهم فى اول الموضوع ودول بقى هيبقوا من المايه السخنه كل اللى فيهم بقوا لينين ومجرد بس هتغسليها بالليفه وبعدين لو المونيوم بالسلك بعد الليفه لو بقى تيفال يبقى بالليفه بس علشان متتجرحش
ملحوظه ضغنتطه
متركنيش حاجه فى الحوض يعنى كوبايه شاى تغسليها بعد الشرب على طول كوبايه عصير برضه نفس الحكايه علشان الحاجات متكترش وتكسلى تغسليها
والله يا بنات الحكايه سهله اوووووووووووووووى بس جربوا الطريقه دى
وهتلاقى حوضك اتحول من كده
لكده
الصوره دى انا ناقلاها منه هنا ربنا يباركلها
وابقوا ادعولى بالزوج الصالح
وبالله عليكم لو عاجبكم الموضوع تقيموه
احبكم فى الله
منقوول:2thmup:
