حبيبتي سبق وقلت لكم عن طريقتي بالمضغوط للموظفات والي تبي الشيء على السريع ولذيذ بس اليوم بالصور عشان يكون أوضح وياليت كل وحده تستفيد تدعي لي ولولد أختي والحين أترككم مع المضغوط
قطعي بصل قطع كبيرة +بهارات فلفل اسود+ هيل+ مسمار+ ورق غار+ وبهار الكاري+ وإي نوع بزار عندك +ليمون اسود عدل حبتين+قليل من الزيت للكشنة وبرضو قرون فلفل حار 5 حبات >>>بس انا ماعندي اليوم ما عليش بس تراه يسوي نكهه عجيبه
ثم ضعي اللحم وقلبي حتى يصبح مثل كذا
وبعد كذا نغسل الرز بدون تنقيع فقط أغسلية جيدآ وأضيفية إلى اللحم يعني مع بعض شوفو كيف
بعدها نخلط طماطم على حسب لون الرز الي تبينه احمر مررررة أو عادي يعني الطماطم على رغبتك انا حطيت حبتين بالخلاط مع فنجال ماء فقط ونضيفها على المضغوط
كيف نقيس الماء وهنا السر طبعآ قياس الرز في قدر الضغط يكون لكل نفر كأس رز طيب انا وزوجي 2 أنا أضفت كأسين ونصف رز والماء ثلاث اكواب ونصف لأن الكاتم من النوع الي يلتصق فيه الرز اذا استوى من تحت ضروري لذلك النصف كأس من الأرز تروح في هذا الشيء لذلك اي قياس لازم تضيفين له نصف كأس أشرح لكم أكثر مثلآ أنتم اربع اشخاص حطي الرز اربع اكواب ونصف رز فهمتو والماء اذا حطيتي اربع اكواب ونصف ماء ضعي خمس اكواب ونصف ماء إن شاء الله أنكم فهمتو ولو ما فهمتو من عيوني اعيد لكم الشرح أكثر
نحرك الرز مع اللحم بصورة سريعه ونملحه مضبوط >>يعني ذوقو الملح اذا عجبكم خلاص قفلو علية الغطاء وسكرو السفتي علية لازم قبل لا يطبخ يعني يفور الماء نكون مغطين علية اللحين شوفو جاهز عشان نبغى نغطي علية
مهم الوقت :time: لما يلف السفتي مرة خلي النار عالية علية لمدة 10 دقايق بالضبط ثم قصري علية النار مررررررررررة لمدة نصف ساعه الضبط تقيدو بالزمن الي ذكرته لكم وتعالو نشوف إيش صار على مضغوطنا أول ما فتحناه