كل وحده ولدت بآخر السابع أو بأول الثامن تدخلplease

السلام عليكم ورحمة الله وبركاته....


للأسف الشديد يا بنات وبعد معاناه طويييييله مع حملي (اسأل الله الا يضيع أجري)...

طبعاً اكيد انتوا عارفين اني سبق واجهضت مرتين وهالحمل جاء بطلوع الروح -اللهم لك الحمد والشكر-

وطول فترة الحمل وانا في مشاكل ما يعلم فيها الا الله ...

اولها نزيف لمدة ثلاثه شهور ... كنت نايمه على ظهري طول الوقت ولأجل هالحمل تركت وظيفتي -اسأل الله ان يعوضني خيراً منها ويقر عيني بشوفة البيبي سليم معافى(قولوا آمين)-.

ومن الشهر الرابع قالوا لي عندك انفصال في المشيمه:44: لكنه طلع تشخيص خاطئ بعد ما عشت 3 اسابيع على ناااااااار....

بعد كذا قالوا لي المشيمه نازلة ولازم ترتاحين عشان ترتفع... وبالفعل جلست مريحة لين الحمد لله ارتفعت بآخر السادس...

الحين انا في الأسبوع 31 (آخر السابع) ورحت للدكتورة قالت لي البيبي ما جالس ينمو خلاص وقف وزنه على كيلو ونص وبنعطيه فرصه اسبوع اذا ما زاد وزنه بنولدك:icon33: وتقول احتمال كبير انه يعيش بعد مشيئة الله... ووصفت لي ابر عشان رئة الجنين تكتمل بسرعه....


والله يا بنات النفسية دمااااااااار ماني متخيله انه بعد هالتعب والغربة اللي انا عايشتها لي سنة عن اهلي ما شفتهم وجالسه لحالي طول الوقت فريسه للهموم والوساوس وزوجي رايح وقته في العمل... وفي الأخير يصير في البيبي شي لا قدّر الله والله احس اني بانجن...


طولت عليكم ادري بس اني حبيت افضفض....


ياريت يا بنات اللي ولدت بأول الثامن تعلمني وش صار معاها وهل ولدت طبيعي او صناعي؟ وكم يجلس البيبي بالحضانه؟؟؟

واللي ما تعرف لا تبخل علي بدعوه عسى ان يكون لها باب مفتوح....

وجزاكم الله كل خير...