كل وحده ولدها او بنتها فيه اعراض التسنين تدخل000

السلام عليكم ورحمة الله وبركاته0000




طبعا من باب حب لأخيك ماتحبه لنفسك حبيت افيدكم بتجربتي ولاني لقيت الفايده الكبيره منكم يابنات عالم حواء
خصوصا في قسم الطفل المهم هذي تجربتي لما يسنون عيالي يعني اول ما تبدأ فيهم اعراض التسنين من تورم اللثه
ولونها يصير ابيض ولما يجيهم اسهال الله يكرمكم وتلقين الطفل طول وقته مزنن وبس يبكي وماينام زين وغيرها من
الاعراض على طول اجيب رشاد واحمسه على النار وبعدين اطحنه لين يصير ناعم واحفظه بعلبه ويوميا افرك لثة
ولدي فيه طبعا خمس او ست مرات في اليوم وشوفي كيف بأذن الله الاسهال من ثاني اوثالث يوم راح يوقف وراح
يخفف عنه الالم وراح تطلع اسنانه واحد ورا الثاني بس اهم شي المواظبه يوميا تفركين لثته والله يابنات الكلام ذا اقوله
لكم عن تجربه بس قولو ماشاء الله ولدي عمره 8شهور قبل تقريبا اسبوع جاه اسهال ولثته وارمه وعرفت انها اسنان
وعلى طول استخدمة الرشاد والحمد لله الاسهال راح عنه ومامر اربعه ايام الا اسنانه الثنايا اللي تحت بدات تشق اللثه
وتطلع يالله لك الحمد الحين ارتحنا من اللي تحت وبدأت اللي فوق بتطلع وقاعده استخدمله الرشاد وتذكرتكم وقلت خلني
افيد خواتي بعالم حواء ترى هذي طريقة امي الله يحفظها وانا استخدمتها لبنتي والحين لولدي عاد مابي منكم غير تدعولي بصلاح زوجي وعيالي واي سؤال بخصوص الاسنان انا جاهزه000