شصارلك

مالك حل غير انك تعودينو ب التدريج واذا قالك ليه ماتنامي عند اهلك قوليلو وانا ليه متزوجه وفاتحه بيت مو علشان استقر في بيتي ومو بس انا كل الحريم ينامو في بيوتهم ويروحو لاهاليهم زياره كوني حازمه معاه واذا قلك مزعجه انتي وبنتك ازعلي ولاتسكتي قوليلو بنتي بنتك تبغاني انا وحدي اتحمل ازعاجها ليه هي مو بنتك بنت الجيران . وقوليلو مثل مانت لك حق تتمشى وتغير جو انا كمان لي الحق الواحد ليه يتزوج علشان يتشارك الحياه مع زوجتو مو يتشارك الحياه مع اصحابو مثل ماتخصص لاصحابك وقت تطلع تتمشى فيه معاهم خصصلي انا وبنتك وقت تطلع وتمشيني بس اتناقشي معاه بتفاهم ترا الرجال ماينفع معاهم العصبيه تكلمي معاه كأنو طفل حاولي تقنعيه ب اسلوب هادئ وثاني مره لو حملتي وولدتي خلي نفاسك في بيتك واهلك يجون ويساعدونك او روحي عندهم اسبوع او اسبوعين وارجعي بيتك علشان مايتعود على غيابك والله يهديه لك

انا اقوول لزوججي تعال نلعب بلاستيشن سوا ونغير جو صار جونا نكد بنكد 💔.

انا من رأيي،اول حاجه مو لازم تعوديه كل اسبوع عند اهلك
هو كذا حس ان اهلك متنفس لك وله يفتك من مشاويرك😁يعني من اليوم ورايح اركدي ببيتك روحي سلمي وارجعي بسسسس


واذا كان بيطلع مع اصداقاءه بالويك اند لاتمدين البوز وتتنرفزي لا لا لا .. خليك غاااااامضه واشتغلي عليه صح
بيني له انك مستانسه انه بيطلع ورايقه
خليه يطلع وهو مستغرب ليه مامدت البوز وزعلت .


ولاتدقين ولاتسألين طووول ماهو برى وان دق اثقلي لاتردين من اول رنه ... واذا رديتي وقال وينك مارديتي من اول قولي مشغوله حبيبي ... وبس
اذا قال بشنو مشغوله قولي اممم ابد ادلع نفسي او ارفه نفسي ..
واذا رجع استقبليه روقاااان وضحك
خليه يرجع وانتي معاك كوب كابتشينو وقطعة شوكليت وشموع واضاءه حلوه وسهرانه ع برنامج ثقافي او كتاب تقرأينه ....
وهو مع الوقت اول حاجه حيصير يرجع بدري علشان يشوف ليه مستانسه بطلعته
ثاني،شي بيقلل طلعات مع الوقت
ثالث شي بيتعود ع وجودك بالبيت ويحس بالمسؤوليه ..
والله يسخره لك ويسخر لنا يارب