كل يوم أقول اليوم تتحقق الأحلام.ياقلب يامحروم من فرحة الأيام

بسم الله الرحمن الرحيم

مساكم الله بالخير أخواتي الحبيبات الي إختصيتهم اليوم بفضفضة معاناتي والمي .
حبيباتي أنا مااعرف في المقدمات عشان كذا بدخل في شكواي على طول وأتمنى
أولا تدعون لي عسى أن تكون منكن من لو أقسمت على الله لأبرها سبحانه وتعالى .:)
ثانيا تعطوني نصائحكم وتجاربكم :44:
أنا عمري 24 سنه جالسه بالبيت على طول احس بالملل انه بيقتلني اخواني واخواتي لاهين بمدارسهم ويرجعون ينامون وانا جالسه بروحي بالصباح وبالظهر وبالعصر وبالمغرب وبالعشاء
أبوي يحبني وأنا أحبه بس بعيد عني ومو حاس فيني بمشاعره ماعمره سألني مرتاحه ولالا يعني بالعربي ماحولي احد
امي أهم شي عندها تقوم تلقى البيت نظيف والغداء جاهز وكل ماجلست أبي أسولف معاها قامت تنتقدني في اني فاشله دراسيا وتقارني بالبنات الي بسني هذي متخرجه والحين يجونها الخطاب طوابير وهذي فيها وهذي فيها حاولت أدور وظيفه بالثنوي عشان أرضيها ماوفقني ربي .
دايم تحسسني بالنقص وبأني عانس ومحد راح يناظر فيني حتى الأكل ماقمت أتهنى فيه صرت أخاف أكل في كل لقمه تقعد تعطيني محاظره جسمك خربان ومعدوم كنك متزوجه وعندك عيال أحيان بمزح وأحيان بجد
أدري امي تحبني وتبي مصلحتي بس والله ماتسوى علي هالنصيحه بهالاسلوب مع العلم ان امي متعلمه وفي تعاملها مع اخواني الاولاد مستحيل تجرحهم بكلمه مثلي واذا تبي يسوون شي تعطيهم فلوس إغراءات يعني هم عيالها وأنا لا ؟؟
أنا صرت كل يوم أبكي تعبت من الوحده وتعبت من الإنتقادات
غير كذا صاحباتي وقريباتي كلهم ينخطبون وحتى الي أصغر مني مع إنهم والله مايزيدون علي بشي والله
أنا مااعترض على قضاء الله وقدره بس احس ان العمر يمشي وأنا :44:
لما أسولف مع البنات كل وحده تسولف عن خطيبها وش جاب لها هديه او يصورون الهدايا ويحطون كلام بالمسن أنا مااحسدهم بس أتمنى إني زيهم افرح واني احد يشاركني حياتي ويطلعني من هالوحده لعالم جديد
والله أصلي وأدعي ربي بكل صلاه بس أخاف العمر يروح وأنا أنتظر .
لاوظيفه لادراسه لازوج حياه كلها إنتقاد وتجريح وملل ووحده كلن لاهي بحياته وأنا :44:
أرجوكم لاتبخلون علي بالدعاء إن ربي يغير حياتي ماأبي اصير جزوعه بس تعبت والله ..

أختكم بقاياإنتظار:icon33: