كل يوم ضيوف ضيوف ضيوف حتى في الاجازه

السلام عليكم ورحمة الله وبركاته..

طبعا مافي احد مايحب النظافه والترتيب وكلنا نسعى لها ونحاول نتقدم للافضل.. الفضل لله سبحانه وتعالى ثم لكم يابنات عالم حواء وافكاركم وتجاربكم وطرقكم اللي ساعدتني كثير..

مشكلتي بدٲت قبل حوالي خمس شهور انتقلنا لشقه جديده والحاره لنا فيها قرايب كثير ماشاءالله.. ندمت يابنات اني سكنت قريب منهم وكنت رافضه اصلا بس مو بكيفي..
من اول اسبوع انتقلت يادوب حطيت فراش البيت الا ماشاءالله كل شوي واحد يدق الباب حتى ماقد حطيت الكنب ولا فتحت كراتين الاغراض.. شي مو طبيعي كل يوم كل يوم واذا ارتحت يوم جو اليوم اللي بعده.. هلكت يابنات ارجع من السوق يادوب ادخل البيت الا يتصلون جايين ..ويدخلون يتفرجون في البويات مثلا وشايفين الاثاث مابعد ترتب والعفش كمان.. ولا يقولون عيب ازعجنا الناس ولا شي.. المهم ترتيبي كله سريع سريع بس بخلص.. كل مابدٲت تنظيف عميق الا جايين احيان قد خلصت واحيان في نص الشغل ..اظطر اوقف واجهز القهوه والضيافه ويسهرون عندنا واللي جاي من بعيد ينام عندي على كثر البيوت مايجي الا عندي.. وهذا يومي طول الوقت قهوه شاهي عشاء او غداء واذا نامو عندي برضو اسوي الفطور.. تعبت وبناتي حبايبي تعبو يادوب بس البسهم واشوف طلباتهم بسرعه ودهم يسولفون معاي والعبهم زي اول بس مايمدي..
حتى زوجي صح اهله وينبسط معاهم بس هلااااك مالهم وقت ظهر عصر صبح ليل واحد طالع وواحد داخل.. حتى ماتقدرين تصرفينهم وتعتذرين يشوفون السياره عند الباب..
انا خلاص مليت الحين برضو بعد بكره جاي ناس بيقضون الاجازه عندي عايله مو اي شي وانا مو ناقصني ابغا الراحه يابنات هلكووني..
يادوب ارتب البيت ترتيب يومي خاصه المطبخ لان كل الشغل فيه.. والمجلس ماتصدقون ان له خمس شهور يادوب ..كأن له سنتين معدوووم علا ان لونه غامق..
ساعدوني يمكن وحده عندها رٲي يفيدني الله يحزاكم خير..