كل يوم يرتفع ضغطي كل يوم انصدم منها ؟؟هل هي طبيعيه فيه مثلها ؟والا..

السلام عليكم
بنتي في ثالث ابتدائي انا مش مستوعبه ان بنتي ماااتفهم دروسها لهذي الدرجه 😰 كل يوم راافعه ضغطي اذاكر لها مثلا رياضيات ماااتفهمه واشرح كأن الدرس اول مره ينشرح لها للعلم بان عندي قدره على الشرح واسوي طرق سهله تساعد على الفهم الا بنتي هذي مووو قاادره عليها ولا رااضيه تفهم :29: اشرح لها الدرس من جديد وابسط وامثل واجيب لها اشياء ملموسه وغيره ولا تستوعب الا بصعوووبه بعدها تمر دقايق بسيطه اعطيها سؤال من نفس الدرس الا شرحت والا خليتها تحل تمارين الا نااسيه شنو قلت وشنو فهمت :29: وارجع من جديد اشرح واعيد وممكن تفهم بصعووبه جددددددا لكن بعدها تنسى وكأنه الدرس جديد عليها 😳انا من جد مصدوومه وقتها اطالع فيها وانا مصدوومه كيف يعني ماتقدر تفهم شي ! مثلا 13+24 تروح تجمع ال 1مع 3 😰وانا بعد اكون توني من ثواني شاااارحه لها وفوق هذا الدرس قديييم اصلا ..اعيد الشرح وبعدها انصدم 😱والا الطرح تخربط فيه كثييير وغيره من الدروس حتى ان اغلب الدروس اشرحها من جديد مع انها قديمها ولااا شي عارفته في البدايه قلت الخلل من المعلمه لكن لااا هي معاي كذا ولما كلمت المعلمه تقول ماااتستوعب ولا تركز معاا وحتى لو فهمت شي تنساه بسرعه في نفس الوقت ونفس ال*** ... هذا بالنسبه للرياضيات اما المناهج الثانيه فنفس الشي تنسى بسرعه مثلا اعلمها عن النبات يحتوي على جذور وساق واوراق واشرح واحنا عندنا نبات اصلا يعني شي تشوفه ومع ذالك شوي الا تخربط وتنسى :29: حتى صيغة السؤال ماتفهمه اصلا ..للعلم عندي بنت اكبر منها تعبت شوي مع بنتي في البدايه لكن بعدين مشت تماام وطبيعيه تستوعب ..بنتي هذي غيييير مادري كيف تفكر ..وكل اهتمامها اللعب والاكل ..وهي في مدرسه اهليه احس لو في حكومه كان رسبت 😔 شنو اسوي معاها ؟وهل طبيعي كذا ممكن ؟والا بنتي عندها صعوبه في التعلم ؟والا شنو فيها بالضبط ؟هل فيه مثلها وبعدين تغيروا ؟اخاف لا تستمر على كذا 😰