كل يووم يزيد البعد

اختي الحياه تختلف مع انجاب الاطفال او بدونهم لما يكون بدونهم يكون كل اهتمامكم في بعض ولكن عند انجاب الاطفال ينصرف الاهتمام للطفال
اختي قبل كل شي ارجعي حسسيه بهتمامك له لانه شكله فاقد الاهتمام منك بعد الاطفال حسيسيه انك تحبينه عندك في المنتدى مليون فكره ليالي حلوه تردين فيها ايام اول
اما عن جسمك وش قاصرك ان ما تنحفين كل هذا مشغوله سوي حميه ورياضه تجلي لزوجك لو ما تجمليتيله بتتجملين لمين للزواجات والطلعات بس
ترى الرجال عينهم طويله لا تخسرين زوجك باهمالك والله اني بارتك
وبشريني عنك قريب

انتِ ليه تفكرين بس في شكلك؟؟

يعني صاحبات الجسم الرشيق..هم اسعد ناس؟؟‍‍

اطلعي من الوضع اللي انتِ حاطه نفسك فيه بالغصب..واذا متضايقه..خففي وزنك..

في نفس الوقت اهتمي بلبسك..اناقته..وفي نفسك..مايصير تستمرين زي ماانتي..

والعيال حاولي تنظمين وقتهم..وتتفرغين لنفسك..وترى زوجك ماله ذنب في تفكيرك

علشان تقولين ماالفت نضره..اذا حاولتي تغيرين طبعك..وتصيرين ونيسه مبتسمه..

بقعدات تحاولين تسولفين فيها..راح يتغير الوضع..وراح يستانس معك..بس انتي فليها..:26:

الاخت مروة ...مش مهم الحين شكلك كثر ما هو مهم ترجعين الحب والدفء بينك وبين زوجك ..شوفي اتمنى تسوين اللي بقولك عليه...1 حاولي دايما تعانقيه وخاصه اذا كنت في كامل اناقتك وعطورك 2 اذا شفتيه جاعد على النت مسجي راسه واعلى كتوفه 3حاولي تفاجيه بمشروب ملك شيك او كابتشينو اذا هو جالس ملان او يشتغل 4 عيالك الساعه ثمان على الفراش5 خلي الضحكه الحلوة ما تفارق محياك ودايم الكلمه الطيبه6 ادعي لش وله دايم في كل وقت بسى الله يزينك فيعينه ويحببه فيك اكثر . وبس هذا بعض ما عندي وحاولي بعد تسوين اشياء كثيره في حياتش اذا ريلش في الدوام سوي رياضه من الصبح عملي خلطات لوجهك وشعرك لتزيدي جمال على جمال كلي اكل صحي اهتني في اضافة لمسات جديده في البيت من زهور من روايح جيده من اكلات جديده والله يعينك:27:

شوفي الحل في نفسيتك انت
لاني متلك بس يزيد وزني بضاااااااااااايق
بالتالي ابدي رجيم مع رياضة (منعا للترهلات) اشتركي بمسبح انت والاطفال اممم متزوجة من 3 سنوات يعني الاطفال صغار
لو عندك خدامة تمسكهم وانت بتسبحي او عند الاهل

وابدي اهتمي بزوجك من مساج لليالي رومنسة
في كتاب للمساج اسمو التدليك الذاتي اسألي في مكتباتكم وفي زيوت خاصة للاسترخاء

وبالتوفييييييييييق :26:

نصيحتي لك انك تعيدين حساباتك وتفكرين كثير في موضوع مهم مررره زي هذا...

اول شي مالك لا 3سنوات متزوجه يعني تقريبا عرسان اجل بعد 15 سنه كيف تتصورين حياتك الزوجيه...

وبعدين ليش عدم الثقه بنفسك هذا ...يا اختي احلى البنات الحين هم السمينات مثل حليمه بولند وباسكال المشعلاني والهام فضاله..ولا عاقهم يتصنفرون ويتشيكون ويطلعون يهبلون كل وحده تتمنى تكون مثلهم...

انتي شكلك مركزه على الشكل ...طيب بينك وبين نفسك قرري تعملين تغير جذري في جسمك وشعرك ولبسك ...وحطي تحدي انك تقدرين ترجعين زوجك معرس ولهان عليك زي الاول....:24: :26: