كما تدين تدان

اخوان متزوجين وقاعدين في بيت واحد حريمهم وحدة ربة بيت ووحدة موظفة
ربة البيت مهملة بنفسها في سبيل تلبية كل متطلبات الزوج والعيال مو مقصرة على بيتها اي شي وزوجها قبل لا يطلب منها اي شي يكون عنده وعلى طول مقابلته ،،،
أما الموظفة على طول تتطنز على زوجة حماها ربة البيت عند رفيقاتها المدرسات في المدرسه/ وتقول : واي لوتشوفون زوجة حماي تحوم الكبد وريحتها خايسة ومهملة بنفسها وزوجها يكسر الخاطر:
قالت وحدة من المدرسات العوانس اللي معاها: زوجيني حماك والله اهتم فيه
الماكرة كبرت في بالها الفكرة وقالت حق زوجها عندي عروس خوش وحدة حق اخوك
المهم فاتحو الاخو بالموضوع لين وافق
وبيوم الملكة لبس وكشخ وقاعده تبخره المسكينة سألها شرايك
فيني ؟؟
قالتله ماشالله كنك معرس
ضحك وقال صدق انا اليوم معرس
مسكينة ما انتبهت
المهم هالمسكينة كانت معزومة بهاليوم وكاشخه ولابسه
وطلعت مع زوجها لمحت طرف جزمة زوجها انه مغبر راحت المسكينة ونزلت لين رجول زوجها وخذت طرف فستانها وقعدت تمسح جزمته ;
من هالموقف حلف انه مستحيل يحط وحدة على راسها
قاله اخوه عيب احنا مواعدين الناس وماخذين منهم موعد امش يابن الحلال لاتفشلنا
قال والله اني ماروح ولا اغث زوجتي
شصار بعدين ؟؟؟؟؟؟؟؟؟؟؟؟؟؟
الصبح راحت الماكرة دوامها ومعاها حلو والشاي والقهوة تحتفل برفيقتها
باركتلها وقالتها عاد هالله هالله بحماي ديري بالك عليه واهتمي فيه
ردت عليها رفيقتها وقالتلها: يالخبله انا أخذت زوجك مو حماك
لان زوجها كان بينقذ الموقف وراح ملك عليها
عآملْ آلنآسً بـ طيبْ أصلكِ ولآ تسوُي ألا الخير
مآفيً شيً ضآيع عندِ ربكِ
صدقنيً بيجيكِ آلخير مِنْ حيثِ لآ تحتسبْ
و كما تدين تدان
تستاهل ,,,,,,,,,,,اعجبتني 👍.