السلام عليكم شلونكم حبيباتي
من زمان كتبت لكم على حلى
بس بدون صور ولا شي بس المقادير والطريقة
واليوم جبت لكم الحلى نفسة بس بالمقادير والصور خطوة بخطوة
يارب بس تعجبكم
شرايكم نبداً
بسم الله الرحمن الرحيم
المقادير
2 ظرف دريم ويب
2 ظرف كريم كراميل
5 فناجين قهوة حليب بودرة
2 علبة قيمر
علبة القيمر(القشطة) لما نخلص منها نمليها على الاخر ماء بارد
علبتين كبار سويس رول بالفراولة
ونحتاج الى مله مثل هذي
يا لا نبدأ الجد
نغلفها بالقصدير (الالمنيوم) كاملة ونضغط علية بحيث يكون متساوي ومرتب
والحين ناخذ السويس رول اللي بالفراولة ونقطعة بهذا الحجم دوائر
ونصفة داخل المله اللي غلفناها بالقصدير
و نملئ كل الفراغات بقطع صغيرة من الكيك
علشان ما يكون في مجال إن الخلطة تخل من بينها
وتكون متماسكة على الاخر
والحين في خلاط العصير
نخلط 2ظرف ديم ويب
و2 ظرف كريم كراميل
ونظيف علبتين القيمر(القشطة)
و 5 فناجين قهوة حليب بودر
وبعدين علبة القيمر بعد ما نحط اللي فيها نمليها ماي بارد ونحطة مع المقادير
بس علبة وحدة
ولما نخلطة عدل بالخلاط ويتجانس
نصبة على السويس رول
الى حد ما تمتلى على الاخر
ونحطها بالفريز ليلة كاملة علشان تتماسك
الحين تبدأ مرحلة التقديم
نطلع السويس رول من الفريز
ونقلبها في صحن التقديم
ونشيل عنها المله
ونبدأ نرفع القصدير عن السويس رول شوي شوي
والحين هذا شكلها بعد ما رفعنا عنها القصدير
شوفو شلون مرتبة
نخليها برى مدة ربع ساعة
علشان تسهل عملة التقطلع
لأنها الحين مثلجة من الداخل مثل الايسكريم
وهذا بعد ما تركتها ربع ساعة لو الى حد ما فترت شوي
قطعت منها قطعة
شوفو شكلها من الداخل شلون
وهذا الشكل النهائي
شرايكم
عجبتكم
بعد لو تذوقون طلعمها راح تعجبكم اكثر
ها انتظر ردودكم
اللي تشجعني