السلام عليكم ورحمة الله وبركاته
اخواتي الحلوين قبل فترة بسيطة نزلت موضوع في قسم التنظيف والتنظيم
دا رابط الموضوع
http://forum.hawaaworld.com/showthread.php?p=72831108&posted=1#post72831108
وختمت الموضوع
بصورة كبستي وكثير عجبتهم وطلبو الطريقه
واليوم بنزلها لعيونكم
طبعا ماراح اكتب مقادير لان كل وحده وعدد افرادها انا مقاديري قليلة على قدي انا وزوجي الغالي
نبداء بسم الله
طبعا اول شي
نحمس البصل المقطع صغار جدا في زيت انا استخدم قدر الضغط ((الكاتم))
بعد مايذبل البصل اضيف ملعقة صغيرة ثوم مفروم ناعم
واضع قطع الدجاج
واحط عليه اول شي البهارات الصحيحة
هيل -قرفة -مسمار-فلفل اسود -ليمون اسود
وبعدها بهاراتي ملعقة بهارات الدجاج من مهران
وملعقة بهارات مشكله خاصة ريحتها تهبل
جدتي تجيبها لي دايما الله لايحرمني منها
وواحد ماجي قطعه وحدة بس
اقلبهم مزبوط لحد مايتحمر الدجاج شوي
بعدين اضيف قرابة 3طماطم مفرورمة
وخليهم يتسبكو 3دقايق واضيف
الماء اللي يكفيهم للاستواء
واكتم القدر قرابة ربع ساعه
طبعا اكون منقع الرز قبل بماء دافي
بعد ماتخلص ربع الساعه:time:
افتح القدر
واضيف 2بطاطس صغار مقطعه اخليها تطبخ معاه بدون
ماقفل الكاتم بس اغطيه
بعدين احط الرز واذوق المرق
واحط ملح حسب الذوق
وبس اقفل القدر دقايق لين ينشف الرز
وبذا الوقت
احمر شوية مكسرات
زبيب وصنوبر ولوز مقشور في ملعتقين زبدة اوسمنه نكهتها احلى من الزيت وبس
اغرف الكبسه بالطبق وازينها بالمكسرات المحمرة
واقدمها طبعا الكبسه ماتكمل الامع سلطة الدقوس الحارة وسلطة الزبادي بالخيار:cook:
وللي سالو عن الحلى اللي بنفس الموضوع
((حبايبي الحلا جاهز مو انا صلحته))
والف صحه وعافيه على قلوووبكم حبايبي:p
ربي يخليك ويحفظك باين انك سنعة وذربة ما شاء الله
حماكِ الله
//