هذي تجربة رائعة للأخت تربية فنيه وحبيت افيدكم فيها
لسلام عليكم ورحمه الله وبركاته
سبق وان طرحت موضوع كان يتكلم عن طلب من احد المواقع الصينيه
وذكرت لكم انني قريبا سوف اطرح لكم فستان الزفاف
الذي تم المغامره فيه وطلبه من موقع
وهذا الطلب لم يأتي لي إلا بعد ما قرأت موضوع البطل الأخ ×××××
في تجربته بشراء بدله زواجه وفستان عروسته
بعدها توكلت على الله وقمت بالطلب
والحمدلله تكلل الطلب بالنجاح
كان الموقع قد وعدني بتفصيل يستغرق من 8 الى 15 يوم
وبالفعل تم شحنه لي باليوم الرابع عشر من الطلب
والخامه جميله جداً
والمقاس مضبوط ورح اقولكم الاشياء اللي ساعدت على ان يصبح المقاس مضبوط
هذا الطلب وماكلفني الا 900 ريال مع قيمة الشحن لاني طلبت شحن عادي من 8 الى 10 ايام
وهذا رابط الفستان للي حاب يشوف موديله
×××××××
وهذي صور لخامه القماش واعذروني ماستطعت اصوره اكثر من كذا
لتوصيل كان عن طريق / ارامكس .. واتوقع الموقع يتعامل معها
كان التأخير من ارامكس حيث تأخرت علي 4 ايام زياده واكثر
ولكن الحمدلله وصل بسلام
المقاس اخذت 2 والحمدلله الخيوط اللي خلف لها دور تضوق وتوسع الفستان
ايضاً مشكله ان مافيه الا خيوط يعني حطي ببالك ماراح تحصلين سحاب
والموديل اعجبني جداً وكان الاخ صادق حين قال الفستان بطل بالخامه
والله يسعده انا اشكر كل واحد يطرح تجربته عشان الكل يستفيد
وها انا وضعت لكم تجربتي للبنات اللي حابين يوفرون في مهرهم
الحمدلله مو قاصرني ماده ابداً وانا موظفه يعني لاتفكرون بخل في نفسي
لكن انا ماحب الجشع .. زميلاتي يشترونه ليله ب 7000 ريال
ثم تروح تأجره ب 1000 ريال
طب ليش .. يعني انتي اذا اجرتيه بهالقيمه معناها انتِ خسرانه لانك مقتنعه انه بهالقيمه
او التاجرات يجيبونه بهالاسعار ثم تزود فوقه الفين
احب البساطه في الزواج لان اهم شي التوفيق وعاد الحريم يختلفون
واي استفسار انا حاضره
ملاحظه / تخفيضاتهم يقولون باقي يومين او باقي ساعتين وماهي حقيقيه
لان من يوم شريت الفستان وهم يقولون باقي يومين وهذا خلاني استعجل واكتشفت انهم مطولين بالتخفيضات
انتهى
الموضوع للاخت تربيه فنيه جزاها الله عنا كل خير
نااعم وانيق