كما وعدتكم_هذة تجربتي في ابطال السحر وخروج السحر الماكول

هذة تجربتي بالتفصيل مع السحر المأكول والمشروب من البدايه وحتى خروجه كامل ولله الحمد

اتمنى من الاداره تثبيت الموضوع لفتره محدودة ع الاقل عشان يستفيد منه الجميع لان المواضيع المتجدده كثيره ماشاء الله وبكذا تختفي الموضوعات القديمه وهي مفيد

ولكن مازلت اعني من خادم السحر الذي يسكن بالارحام وقال لي احد المشايخ ربما انه تحول الى عاشق
وسحري كان الغرض منه التفرقه بيني وبين زوجي عن طريق تعطيل الانجاب

لاتنسو ذكر الله

سأبدا لكم بالطريقه ثم اذكر لكم نصائح من خلال تجربتي مع المرض
وسوف اضع بين الاقواس اضافات تمنيت اني سويتها


اول شي العلاج لازم يكون بنف الطريقه اللي بأكتبها لان سبحان الله فيها اعجاز علمي
1-اول شي تاخذين علبه مويه 2لتر ماء زمزم وتضيفين لها ملعقتين صغيره زعفران وتترل لتنقع 6ساعات وتقري عليه رقيه عامه ورقيه السحر واللي حابه تقرا البقره كامله(انا قريت البقره)
2-بعدها تجيبي جك ماء 20 لتر وتضيفين له الماء والزعفران المنقوع
3-اللحين العلاج بيكون مره صباحا ومره مساء عنك من بع صلاة الفجر الى الساعه 8 وياليت يكون قبل طلوع الشمس افضل وفي المساء بعد صلاة العشاء مباشره لمدة 7 ايام
4-تجيبن ورق سدر اخضر(مو يابس اخضر) وتاخذين وعاء وتاخذي من الماء اللي بالجك الكبير مايقارب لتر 3 اكواب كبيره تقريبا
وتجيبن حجر ين صفوان(الحجر الاملس) وتاخذين 7ورقات سدر هي صغار بس بتكفي
وتفركيها بين الحجرين وتضيفن شوي ماء عشان يسهل فركها ماينفع الخلاط ولا اي طريقه ثانيه هنا الاعجاز العلمي ولها تاثير عجيب ع الجان
اللحين تضيفين السدر اللي فركتيه بالوعاء اللي حطيتي فيه لتر ماء
5-تشربين 3-حفنا ت بيدك ماء (بيدك مو بالكاسه)
والباقي تغتسلين فيه في مكان طاهر جميع انحاء الجسم وحتى الشعر
ومباشرة تاخذي زيت زيتون مقري عليه مقدار فنجال قهوه وتدهنين جسمك فيه حتى وهو ماجف من الماء وتتركيها على جسمك الى العصر تقريبا وبالنسبه للي في المساء تنامين فيها
6- كل مابغيتي تشربين اشربي من الماء والزعفران وترى مافيه طعم بس لون


اهم الاشياء اللي تحافظين عليها مع البرنامج
1-قراءة القران ومحاولة ختمه في هذة الفتره او قراءة سورة البقره يوميا وانا كنت اقرا سورة البقره
2-الاذكار واكيد مافيه احد صار يهمل اذكاره وخاصة اذكار النوم
3-الافطار على 7تمرات عجوة (مهم جدا)
4- المداومه ع العسل (تاخذين عسل سدر او شوكه) وقبل استعماله تطحنين حبه سوداء وتاخذيها معاة كل 4 ساعات
واهم شي ملعقه قبل النوم ومعاد تاكلي عليه شي ويكون العسل مقري عليه
5- يمكن تضيفي لماء الشرب غطاء ماء ورد(انا ماكنت ادري ذيك الفتره عن فوائد ماء الورد فما اخذتها)
6- في اخر يوم من العلاج وع الريق او ع الاقل بعد مرور3ساعات على اكلك(اشربي سنا مضاف له التبع وهذا شي معروف عن العطارين اسمه تبع السنا وهو عباره عن تمرهندي ونبق وورد واشياء كثيره تكون مجموعه بكيس )
واذا مالقيتي التبع مو مشكله اشربي سنا لوحدة وحليه بعسل واستمري عليها حوالي 3اسابيع واذا احتجتيها مره ثانيه اجلسي اسبوع وبعدين ارجعي استعمليها انا جلست استعملها شهرين وفادتني كثير وكان السحر يطلع على دفعات
(بعد ماكنت اعرف ع السنا وما استعملتها الابعد هالوصفه ب شهر بس حسيت لو استعملتها معاها كان مفعولها اقوى)
7- اكثري من دعاء اللهم ابطل سحري واحلل عقده واخرج خادمه واكثري من الدعاء عامه
8- طوال ماانتي نايمه خلي سورة البقره شغاله او رقيه السحر وتكون ع التكرار(انا بعد ماسويت هالطريقه في البدايه بس بعدين فادتني كثير)

والسحر معروف انه بهذه الطريقه باذن الله يبطل بعد 7ايام وانا بقيت اعاني لان خادم السحر ماطلع بس بديت ارتاح من بطني وبعدها صرت استفرغ اشياء غريبه ومع السنا كان يجيني اسهال مستمر (اكرمكم الله) وبعد تخرج اشياء غريبه
والسنا سبحان الله بمجرد ماينظف البطن من السحر يخف الاسهال ويمكن ينقطع

بعد ماتنتهي 7 الايام لاتتركي العجوه ولا العسل واذا بقي من الماء اشربي منه

يمكن بتحسون الطريقه صعبه بس ربي يسهلها ويساعدك فيها وانا سويتها مرتين والفرق بينهم اسبوع
بس انا كنت معظمه شأن السحر واقول مارح يطلع غيري من سنين ماخرج سحرهم وانا بيخرج في شهور
ونسيت ان قدرة ربي فوق كل شي
ترى جميع الاسحار تبطل بسهوله ولكن اذا جلستي تقولي سحري قوي وسحري غير هذا يزيد خادم السحر قوه وغرور قيخدم سحره بقوة ولكن اذا صغرتي شانه وكان ايمانك بالله قوي واملك به كبير صدقيني بيبطل معاك بسهوله ويسر لانك بقوتك وايمانك بتضعفي الخادم
وهذا اللي صار معي في اخر محاوله لي في اخراج السحر وكانت في شهر رمضان مع علاجات الشيخ عبدالله الخليفه

وخلوني احط تجربتي مع علاجات الشيخ عبدالله الخليفه بموضوع مستقل

اي استفسار انا حاضره
لاتنسوني من صالح دعائكم وان ربي يرزقني الذريه الصالحه
ويشفيني مما تبقى لي من اذى