كم أطول مدة....؟

سؤال

بصراحة كم أطول مدة ابتعدتي فيها عن مواقع التواصل وبالأخص البرنامج اللي مدمنة عليه؟ تويتر انستا سناب تيلي... أو عالم حوا


هل راودتك نفسك يوم على ترك عالمنا الجميل عالم حواء حتى لو ماتنفذت الخطوة لكن كفكرة قد جت ببالك؟ لأي سبب كان... سواء يسرق وقتك أو لأسباب ثانية؟


عن نفسي لازم وضرووري بين فترة وفترة اعتزل البرامج، من سنين كذا احس براحة ومنها ترتيب لأفكاري.


أطول مدة ممكن نقول ٧او ٨ شهور تقريبا بس صراحة كنت فيها تعبانة وكرهت كل شي. يعني تقريبا مو مسألة ارادة.


لكن غالبا أطول مدة تكون شهر شهر ونص...... أو اسبوع او اسبوعين بس ماتطول عن الشهرين.
لكن الفترة الأخيرة كلها مجرد اسبوع او اسبوعين


اما عالم حوا ابتعدت عنه تقريبا ٣ سنوات واكتفيت بمواقع التواصل الثانية... لكن من سنة حنيت ورجعت


بصراحة تجربتي اقيمها فوق ال ١٠
تلاقين عندك وقت لكل شي
راحة نفسية عجييبة
عقلك يرتاااح وذهنك يصفى
تركزين على واقعك اكثر
تعيشين بسلام نفسي وعقلي من المواضيع اللي تقرينها بمواقع التواصل ونفسيتك وافكارك تتجدد
والأهم تبتعدين عن الأخبار السلبية اللي غصب بتشوفينها تتردد بمواقع التواصل.
هاه ماذا عنكم أو ضد فكرة الابتعاد اساسا؟
جاوبو