كم احزن لما اشوف بنات زي كذا!!!

يااخواتي والله اني احزن لما اشوف بعض البنات الله يهديهم تتجسس على اخواتها وصديقاتها بحجة معرفة سر بشرتها اوسر طول شعرها ..والخ وهذا الشي هو عين الحسد والتجسس مو من خلقنا وديننا

ياما قريت في هالمنتدى مواضيع تبين قد ايش هالنوعيه كثيره في مجتمعنا اللي تقول بخششت الشغاله حقت الناس عشان تجيب اسرار بناتهم واللي تقول خلينا اختنا الصغيره تدخل غرفة زوجة اخونا وتتجسس عليها طيب ليششش!!!دام هالانسانه ماتبغى تقول اسرارها لاحد ليش تاخذينها بالقوه!! بتقولين حسوده ماتعطي اسرارها لكن في الحقيقه انتي الحسوده اما هي حره في اسرارها وصدقيني لولقت فيك خير ونيه طيبه كان علمتك


يابنات التجسس حراااااااااام مو من اخلاق الانسان المؤمن اوحتى الانسان الخلوق!!نفسي افهم كيف تسمح لك نفسك بهالشي!! والغريب ان الكثير من البنات يردون على الموضوعات اللي زي كذا ويشجعونها اكثر على التجسس ياسبحان الله وصل الحسد فينا لهالدرجه!!


الله قال في اياته الكريمه ولااااااااااااتجسسو

قال تعالى : " يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا "

قال الطبري : وَقَوْله : " وَلَا تَجَسَّسُوا " يَقُول : وَلَا يَتَتَبَّع بَعْضكُمْ عَوْرَة بَعْض , وَلَا يَبْحَث عَنْ سَرَائِره , لَا عَلَى مَا لَا تَعْلَمُونَهُ مِنْ سَرَائِره


يااختي لاتتبعين عورات الناس فيسلط الله عليك من يتتبع عوراتك ويفضحك في الدنيا قبل الاخره وهذيك الساعه ماينفعك الكريم الفلاني والخلطه الفلانيه

وتحريم التجسس ورد في احاديث كثيره واصلا لومعدن الانسان اصيل مايرضى بهالشي لوعلى موته

كلمات كانت تقرقع بقلبي ماارتحت الين كتبتها لكم والله الهادي