كم باقي على البرد و يخلص ؟؟

باقي شهر او شهر وشويه . الايام هذه في موجه برد . لما يجي الحمى نقول متى يجي البرد ولما يجي البرد نقول متى الحمى . حتى بالبرد الواحد مايعمل خلطات يقل الاهتمام ههههه

بتاريخ أم القرى الأن أحنا بالشبط برده شديد جداً مع هواء شديد و تكون صقيع مضر لكل شيء البشر و الحيوانات و النباتات سبحان الله و ضرره أكثر من المربعانيه و أمراض البرد تكثر فيه مثل نزلات البرد و الإلتهابات و الزكام و ما كذبو و الله عيالي و كل صغار عيلتنا من يومين طايحين علينا بسبب البرد بعد الشبط تجي العقارب و أيضاً بردها شديد جداً و تنتهي العقارب تاريخ 11 من شهر 6 هجري و هو نهاية فصل الشتاء و يدخل بعدها فصل الربيع طبعاً الربيع عندنا بارد و نعتبره من الشتاء و يختلف حسب المناطق ببرودته بس عندنا بالقصيم يكون بارد خاصه على الصغار و الشياب و تكثر أمراضه لأنه فصل تغير الأجواء و دخول الصيف يبدأ الربيع بالحميمين ثم الذراعين و ينتهي الربيع بتاريخ 4 من شهر 8 هجري و يدخل فصل الصيف بالثريا طبعاً الثريا قسمين القسم الأول منها بارد بالليل و الفجر و بالنهار دافي و القسم الثاني دافي و يبدأ معه فصل الصيف يعني رمضان إن شاء الله صيف لكن مو شديد الحراره زي السنوات اللي فاتت بتكون شدة حرارة الصيف بشهر أغسطس و يبدأ بتاريخ 1 من شهر 10 هجري إن شاء الله
الزبده نهاية الشتاء بشهر 6 الله يلحقنا خير و يعيننا على البرد من يوم الثلاثاء برد شديد علينا و اليوم وصلت درجتنا للصفر و ما زالت موجة البرد مستمره حتى الأثنين أو الثلاثاء الجاي و يارب أحفظنا و ذريتنا من كل شر

شهر واحد وينتهي بس في موجة برد هل3 ايام الجايه يقولو يصل لصفر برياض واكل همها ام باقي الايام احسها عادي مو برد مرة بس الموجات هي الي تمرضنى انا منزله تطبيق الطقس ومريحه نفسي عشان اعرف اقدر اطلع او لا او البس اعيالي كثير او لا

نحن بشمال يطول لين 7والبرد مستمر العام صيفنا بدري وعلى شهر سبعه رجع موجه برد ماحد مصدق وبعد نزل ثلج سبحان الله

فعلااااااا برد هاليومتين بشكل عجيب صقيييع
الله يرحمنا برحمته التطبيق عندي يقولي بالليل بتوصل الدرجه 1 تحت الصفر وبكره بالليل 4 تحت الصفر
شهر ونص شهرين وندخل على فصل الربيع بحوله وقوته
الله يجيرنا من حر جهنم وزمهريرها